Тутарстанри Патшалăх автоинспекцийӗ «Çулпа çӳрес хăрушсăрлăх» Патшалăх бюджет учрежденийӗпе пӗрле «РЕМЕНЬ БЕЗОПАСНОСТИ СПАСАЕТ ЖИЗНЬ» конкурс ирттерет.
Конкурсăн условийӗсем питӗ те ансат: регистраци формине тултармалла та ун çумне сăнӳкерчӗк вырнаçтармалла. Сăнӳкерчӗке эсир машинара ларнă вăхăтра хăрушсăрлăх пиçиххипе çыхăннă чух тумалла. 18 çул тултарнă хутшăнакансен заявкисене кăна йышăнаççӗ. Конкурс 2022 çулхи декабрӗн 22-мӗшӗччен тăсăлать.
Çӗнтерӳçӗсене ăнсăртран тухакан хисепсен генераторӗ пулăшнипе палăртӗç. Вӗсене «Çулпа çӳрес хăрушсăрлăх» Патшалăх бюджет учрежденийӗ асăнмалăх парнесем парса чыслать.
Конкурс пӗтӗмлетӗвӗсене 20221 çулхи декабрӗн 26-мӗшӗнче пӗлтерӗç.
Нет комментариев