Храмсенче ыркăмăллăх акцийӗ ирттереççӗ

Акци шайӗнче сывлăх енчен çирӗпех мар ачасене, кăткăс лару-тăрăва лекнӗ ачаллă хӗрарăмсене, сахал тупăшлă çемьесене тата ытти нушаллă çынсене пулăшас тесе  укçа пуçтараççӗ. Пулăшу панăшăн тав туса ырă кăмăллă çынсене  шурă хут чечек параççӗ.

Çак акцие  «Милосердие – Казань» пулăшу служби йӗркелет. Халӗ пӗрремӗш тапхăр иртет, тӗп мероприятисем вара июль уйăхӗнче пулӗç.

«Акцие хутшăнас тесен  прихутра ыркăмăллăх ярмăркки йӗркелемелле, алăпа тунă япаласем сутнă укçана социаллă проектсем çине ямалла. Çавăн пекех эсир прихутра епархи пуçарăвӗсене пулăшмалли вырăн уйăрса сусăр ачасене пулăшакан  «Забота»,  Хусанти «Перемена» ăс-хакăлпа пултарулăх аталанăвӗн центрне, хӗрарăмсене пулăшакан  «Мамино Гнездышко» кризис центрне, «Милосердие – Казань» пулăшу службине тата Вырăс Казыли ялӗнчи Благовещени храмӗ çумӗнчи «Благовещение» социаллă пулăшу центрне тата ытти пулăшу паракан  организацисене тӗрев пама пултаратăр»,  – пӗлтернӗ пулăшу службинче.

Хусан епархийӗн пресс-службин сăнӳкерчӗкӗ.