Хусанта «Россия – АСЕАН» саммит пулать

Саммита ирттерме Хусана  ăнсăртран суйламан. Хула тӗнчери пысăк мероприятисем йӗркелеме пултарнине пӗрре мар кăтартса пачӗ, çав шутра 2024 çулта иртнӗ БРИКС саммичӗ те. Кăçалхи саммита Раççейпе АСЕАН хушшинче дипломати хутшăнăвӗсем йӗркеленнӗренпе 35 çул çитнине халалланă.

Хусана вунă çӗршыв – Бруней, Вьетнам, Индонези, Камбоджа, Лаос, Малайзи, Мьянма, Сингапур, Таиланд тата Филиппины – ертӳçисене чӗннӗ. Çавăн пекех мероприятие Раççей Президенчӗ Владимир Путин килессе кӗтеççӗ, юлашки саммитсене хутшăнмасăр юлман вăл.

Раççей Президенчӗн Канашçи Антон Кобяков Раççейпе АСЕАН хушшинчи 35 çул тултарнине паллă тăвакан калаçу халӗ çӗнӗ прагматика программине туса хатӗрленӗ вăхăтра пулнине палăртнă.  Патшалăхсен, правительство пуçлăхӗсен, АСЕАН çӗршывӗсен министерствисемпе ведомствисен представителӗсен, çавăн пекех регион организацийӗсен тӗлпулура политика, хăрушсăрлăх, экономика, наука тата культура енӗпе пӗрле ӗçлессине  сӳтсе явӗç.

Тутарстаншăн саммит пӗлтерӗшлӗ. АСЕАН çӗршывӗсенче уйрăмах мăсăльмансен пурăннине шута илсе нефтехими, машиностроени, ислам финансӗсем тата халяль индустрийӗнче контрактсем пуласса шанаççӗ йӗркелӳçӗсем. Ăна ирттерни çавăн пекех отельсене, çулсене тата аэропорта юсама пулăшӗ, çавăн пекех миллионшар çын медиа урлă республикăпа паллашӗ.

Саммита хатӗрленме пуçланнă та ӗнтӗ, куншăн РФ Президенчӗн  пулăшуçи Юрий Ушаков яваплă. Йӗркелӳ комитечӗн председателӗ –Тутарстан Раисӗ Рустам Минниханов. Комитета çавăн пекех Премьер-министр Алекей Песошин тата  Хусан мэрӗ Ильсур Метшин кӗнӗ.

Тӗлпулу пӗтӗмлетӗвӗсем тăрăх Раççейпе АСЕАН килӗштерсе ӗçлессин право никӗсне çирӗплетекен декларацие, çавăн пекех суту-илӳпе экономика, инвестици, наукăпа техника тата культурăпа гуманитари облаçӗсенче  килӗшӳсене алă пусма палăртнă.

ТР Правительствин пресс-службин сăнӳкерчӗкӗ.