«Хыпар» Издательство çурчӗн директорӗ – тӗп редакторӗ пулма Дмитрий Моисеева çирӗплетнӗ
«Хыпар» Издательство çурчӗн директорӗ – тӗп редакторӗ пулма Дмитрий Моисеева çирӗплетнӗ, тесе пӗлтереççӗ Чăваш Республикинче тухса тăракан хыпар хатӗрӗсем. Çакăн пирки калакан хушу çине ӗнер, мартăн 24-мӗшӗнче, ЧР Министрсен Кабинечӗн председателӗ Сергей Артамонов алă пуснă.
Дмитрий Андреевич Моисеев 39 çулта. 2009 çулта И.Н.Ульянов ячӗллӗ Чăваш патшалăх университетӗнчи журналистика факультетне хӗрлӗ дипломпа пӗтернӗ. 2006 – 2008 çулсенче «Çамрăксен хаçатӗнче» корреспондент, 2009 çулхи январьтен пуçласа тӗп редактор пулса ӗçленӗ. 2016 çулхи январьтен «Хыпар» Издательство çурчӗн тӗп редакторӗн çумӗнче тăрăшнă. 2024 çулхи август уйăхӗнчен кăçалхи мартăн 23-мӗшӗччен Чăваш Республикин Медиацентрне ертсе пынă.
Дмитрий Андреевича çăмăл мар должноçа кӳлӗннӗ ятпа саламлатпăр, ӗçре, пултарулăхра ăнăçу сунатпăр.
Д.Моисеевăн харпăр архивӗнчи сăнӳкерчӗк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев