Ялта пурăнакан çамрăк аннене укçа параççӗ

ТР Президенчӗн Рустам Миннихановăн йышăнăвӗпе, ялта 3 çултан кая мар пурăнакан, 25 çула çитмен çамрăк аннесене 2018 çулхи январӗн 1-мӗшӗ хыççăн çуратнă пӗрремӗш ачашăн – 50,  29 çултан аслă мар аннесене виççӗмӗш ача çуратнăшăн 100 пиншер тенкӗ пӗр хутчен патшалăх пулăшăвӗ параççӗ.

Çак тӳлеве республикăра чи малтан Лайăш районӗнчи çамрăк анне тивӗçнӗ. Вăл январӗн 11-мӗшӗнче виççӗмӗш ачине çуратнă.

Сентябрӗн 7-мӗшӗ тӗлне çак патшалăх пулăшăвне илме пӗрремӗш ачана çуратнă ялти 1181 анне, виççӗмӗшне çуратнă 226 анне заявлени çырнă. Аса илтеретпӗр, асăннă пособие илмелли тӗп услови:

– Хӗрарăм виçӗ çултан кая мар ялта пурăнмалла,

– Пӗрремӗш е иккӗмӗш ача 2018 çулхи январӗн 1-мӗшӗ хыççăн çуралмалла,

– Раççей Федерацийӗн гражданстви пулмалла.