Ыран Халăхсен хушшинчи «Интервидение» юрă конкурсӗн финалне Хусанти «Елмай» паркра тӳрӗ эфирта пăхма пулать

Унта Раççей, Беларусь, Китай, Вьетнам, АПШ, Казахстан, ОАЭ, Серби тата ытти çӗршывсен çăлтăрӗсем хутшăнаççӗ.

Раççей чысне конкурсра Шаман хӳтӗлет. Вăл «Прямо по сердцу» юрăпа сцена çине тăххăрмӗш тухать. Юррăн сăмахӗсемпе кӗввине паллӑ музыкант Максим Фадеев  çырнă.

Çак конкурс иртнӗ вăхăт тӗлне Хусанта та мероприяти йӗркелеççӗ. «Елмай» паркра 19.00 сехетре концерт пуçланать. Унта ABIEM Project, Татьяна Ефремова, Михаил Урицкий, «Дышать» ушкăн, çавăн пекех  Мингазов Band хăйсен хичӗсемпе сцена çине тухӗç.

Концерт вӗçленсен, 20.30 сехетре вара Халăхсен хушшинчи «Интервидение» юрă конкурсӗн финалне пысăк экран çинче тӳрӗ эфирпа кăтартӗç. Мероприяти тӳлевсӗр.

Сăнӳкерчӗксем: И.Трифонова, «Татмедиа» агентство.