Заявкăсене августăн 25-мӗшӗччен йышăнаççӗ

Форум сентябрӗн 3-мӗшӗнчен пуçласа 5-мӗшӗччен Лайăш районӗнчи «Волга» Çамрăксен центрӗнче иртет.

Унта Тутарстанра пурăнакан 18 çултан пуçласа 35 çулчченхи блогерсем хутшăнма пултараççӗ. Форум пӗрремӗм утăмсем тăвакансем валли те, паллă блогерсем валли те питӗ кăсăк пулнине пӗлтереççӗ йӗркелӳçӗсем. Регистрацие çак ссылкăпа иртмелле. 

«Çамрăксем ăçта, çавăнта пулни пирĕншĕн питӗ пӗлтерӗшлӗ. Нумай информацие эпир паян социаллă сетьсем урлă пӗлетпӗр. Çамрăксем блогерсен страницисене сăнасах тăраççӗ. Усăллă информацие кашнин патне çитермеллипе пирӗн çак площадкăсенче пулмаллах. Çавăнпа пирӗн блогерсен пӗрлӗхӗпе тачă çыхăнура ӗçлемелле. Пӗлтӗртен пӗр-пӗринпе активлă ӗçлеме тытăнтăмăр. Форум ячӗпе килӗшсе çак ӗçе эпир пысăк пӗлтерӗшсемпе содержани хыватпăр», — палăртнă ТР çамрăксен ӗçӗсен министрӗ Ринат Садыков.

Вăл каланă тăрăх форум опытпа ылмашăнмалли вырăн пулса тăрӗ. Унта хутшăнакансем валли вӗрентӳ программипе культура мероприятийӗсем йӗркелӗç. Форумăн спикерĕсем республикăн тата федерацин ТОП блогерӗсем пулӗç.

«Çамрăксем хушшинче блогосфера пысăк вырăн йышăнать, мӗншӗн тесен çамрăксем çӗнӗ коммуникаци хатӗрӗсемпе тата социаллă сетьсемпе хастар усă кураççӗ. Блогсем çамрăксене аталанма пулăшаççӗ тата усăллă пӗлӳпе хăнăху илме май туса параççӗ. Министерствăн çамрăк блогерсене пӗрлештерес пуçарăвне эпир питӗ интересленсе йышăнтăмăр», — палăртса хăварнă Хусан хулин «Инсайт Люди» продюсер центрӗн регионти ертӳçи Регина Хусаинова.

Форума йӗркелекенсем — ТР Çамрăксен ӗçӗсен министерствипе «Инсайт Люди» продюсер центрӗ.

ТР Çамрăксен ӗçӗсен министерствин пресс-службин сăнӳкерчӗкӗ.