Банк сотрудникӗ ӗç шырать

Банк кризисӗ предприятисемпе организацисене кăна мар, ахаль çынсене те вирлӗн пырса çапрӗ. Мӗн чухлӗ çын хăйӗн укçи-тенкине каялла тавăрас тесе нушаланса пӗтрӗ, организацисем вклачӗсене пуçӗпех çухатрӗç темелле. Ку кризисăн пӗр енӗ, тепӗр енӗ -çынсем ӗçсӗр юлни. Тутарстанра 2017 çулти сентябрьпе декабрь уйăхӗсенче 2852 банк сотрудникне ӗçрен кăларма йышăннă, пӗлтерет REGNUM ИА.

Сентябрь уйăхӗн кăтартăвӗсемпе республикăра 2 миллион ытла çынна ӗçпе тивӗçтернӗ, вӗсенчен 1,99 миллионӗ экономика сферинчевăй хурать. 68,5 пин çын вара ӗç шырать. Январьтен пуçласа Раççейӗн Тӗп Банкӗ Тутарстанăн 5 банкӗн лицензине туртса илчӗ, çавсен шутӗнче «Татфондбанк», «Анкор банк», «Интехбанк», «Татагропромбанк», «Спурт банк». Çавна пула республикăра ӗçсӗррисен шучӗ тата та ӳсме пултарать.