Хӗл Мучи, вăран-ха пӗреххут

Хусанта декабрӗн 25-мӗшӗнче уçăлнă «Хура кӳлӗ» çӗнӗ каток çине ярăнма кайма хатӗрленекенсене пӗлсе тăма: каток вăхăтлăха ӗçлемест. Сăлтавӗ - Хӗл Мучи хăйӗн тивӗçӗсем çинчен манни. Урамра « +» температурăллă çанталăк тăнă май, катока вăхăтлăха хупма тивнӗ. Çанталăк сивӗтсенех ярăнма ирӗк парӗç. Ун чухне вăл çакăн пек графикпа ӗçлӗ: тунтикунпа кӗçнерникунсенче 13.00 - 22.00, шăматкунпа вырсарникунсенче 10.00-22.00 сехетчен. Техника тăхтавӗ 16.00-17.00 сехетре. Хӗл Мучи хăйӗн тивӗçӗсене аса илсен вара Çӗнӗ çул каç каток ирхине виçӗ сехетченех ӗçлет.