Хусан – футбол хули

Хусан вăл - футбол хули, туслăх шăратакан хуран. Кунта Хӗвелтухăçпа Хӗвеланăç культурисем пӗрлешсе пӗр-пӗринпе туслă пурăнаççӗ, тенӗ Халăхсем хушшинчи футбол федерацийӗн президенчӗ Джанни Инфантино июнӗн 28-мӗшӗнче иртнӗ çурма финал матчӗ хыççăн. Спорт праçникӗ Хусанта туслă атмосферăра иртни лайăх реклама пулнине, çитес çулхи Тӗнче Кубокӗнче болельщиксене кунта килсе курмаллине каланине пӗлтерет «Татар-Информ» ИА.

Пӗтӗмӗшле илсен, Раççей спорт уявне тивӗçлӗ шайра йӗркеленине, Конфедерацисен Кубокӗн матчӗсене йышăннă хуласен стадионӗсем килӗшнине, матчсене халăх йышлă çӳренине палăртнă вăл.