Июнӗн 28-29-мӗшӗсенче республикăра – Хир кунӗ

Тутар ял хуçалăхӗн наукăпа тӗпчев институчӗн Лайăш районӗнчи хирӗсенче июнӗн 28-29-мӗшӗсенче «Тутарстанри хир кунӗ – 2018» курав иртет. Унта Раççей тата Тутарстан селекцийӗн кӗрхи тата çурхи культурăсене, ял хуçалăх техники, тӗрлӗ оборудовани тата ял хуçалăхӗнчи çӗнӗ технологисене хир формачӗпе кăтартӗç.

Проектăн тӗшши – инновацисене тата апат-çимӗçе куçпа курма, ӗçлӗ çыхăнусем йӗркелеме, ӗçлӗ калаçусем ирттеме, бренда тата унăн продукцине анлăн сарма майсем уçăлни.

Çапла вара «Тутарстанри хир кунӗ – 2018» куравăн 60 ытла гектар лаптăк йышăнакан территорийӗнче çав кунсенче «Растениеводство», «Инженерно-техническое обеспечение АПК», «Животноводство», «Площадь на траве», «Мелиорация», «Экономика», «Наука и кадры», «Малые формы хозяйствования» блоксем ӗçлеççӗ. Ӗçлӗ программăпа килӗшӳллӗн, çаплах унта ял хуçалăх темисемпе çавра сӗтелсем, мастер-классем иртеççӗ. Тӗплӗнрех  http://www.awtexpo.ru. сайтра.