ТР Халăхсен III съезчӗ уçăлчӗ

Хусанти «Корстон» центрта паян ТР Халăхсен III съезчӗ уçăлчӗ. Унăн ӗçне 730 делегат хутшăнать. Çавăн пекех Тутарстан Президенчӗ Рустам Минниханов, Патшалăх Канашӗн Председателӗ Фарид Мухаметшин, ТР Патшалăх канашçи Минтимер Шаймиев, Раççей халăхсен Ассамблеин председателӗ Светлана Смирнова, РФ ЧНКА ертӳçин тивӗçӗсене пурнăçлакан Раççей патшалăх Думин депутачӗ Леонид Черкесов тата ыттисем хутшăнчӗç. III съездра этнокультура аталанăвӗн ыйтăвӗсене пăхса тухаççӗ. Наци политикине пурнăçа кӗртессине сӳтсе явӗç делегатсем. Унта чăвашсенчен Анат Камăри 34 номерлӗ гимнази-интернат директорӗ Галина Ляхова та наци вӗрентӗвӗ çинчен сăмах калама хатӗрленет.