Турă патăр чăтăмлăх

Кемеровăри суту-илӳ центрӗнче çунса вилнисене асăнса Хусанта Ленинский садикре йӗркеленӗ импровизациленӗ мемориал патӗнчен паян кунӗпех çын татăлмасть. Хусансем кемеровăсемпе çак хуйха пӗрле пайланине пӗлтереççӗ. Тутарстанри тӗрлӗ тӗн ертӳçисем Феофан владыка, ТР муфтийӗн ертӳçи Илфар хазрат тата Ицхак Горелик ребе пӗрле чечек хучӗç. Вӗсенчен кашни кемеровăсемпе пӗрле хурланнине, çывăх çыннисене, ачисене çухатнисене çак хуйха чăтса ирттерме Аслă Турăран чăтăмлăх ыйтнине пӗлтерчӗç.

Феофан владыка суту-илӳ центрӗн хуçисене укçашăн çунса ачасен пурнăçне татнине асăнмасăр хăвармарӗ.