Вич-статусна тӗрӗслеттер!

Июнӗн 17-мӗшӗнче Хусанти «Родина» культурăпа кану центрӗнче (Баумана урамӗ, 44/8-мӗш çурт) «Тест для победы. Test to Win» информаци центрӗ уçăлчӗ. Кампани тӗллевӗ - Конфедерацисен Кубокӗ вăхăтӗнче вырăнти халăхпа хула хăнисем хушшинче ВИЧ енӗпе профилактика ирттересси, тестпа çыхăннă ыйтусемпе информаци парасси.

Центр июнӗн 28-мӗшӗччен ӗçлӗ. Кунта кирек кам таВИЧ енӗпе экспресс-тест пама пултарать. Процедура анонимлă, тӳлевсӗр, ăна иртме темиçе минут анчах кирлӗ.

Кунсăр пуçне кунта Республикăри СПИД енӗпе кӗрешекен центрăн тухтăрӗсемпе волонтерсем ВИЧ-статуса мӗншӗн пӗлме кирли çинчен каласа парӗç, лекцисем вулӗç, консультацисем парӗç. Кампани пынă вăхăхтра форматлă мероприятисем те, мастер-классем те иртӗç. Унта паллă спортсменсем, политиксемпе ертӳçӗсем, шоу-бизнес çыннисем хутшăнӗç.