Ял хӗрарăмӗсене ача çуратсан 100 000 тенкӗ параççӗ

Тутарстанри ял хӗрарăмӗсене ача çуратсан кăçалтан 50-100 пин тенкӗ укçа пама тытăнаççӗ. Кун çинчен постановление ТР Премьер-министрӗ Алексей Песошин çак кунсенче алă пуснă. Официаллă документа право информацийӗсен сайтне вырнаçтарнă. Паллă ӗнтӗ, пӗр хутчен парăнакан пулăшăвăн тӗллевӗ - ялти демографие ӳстересси.

Документпа килӗшӳллӗн, кăçалтан 25-рен кӗçӗн хӗрарăма пӗрремӗш ачана çуратсан - 50 000, ялта пурăнакан, 29 çултан кӗçӗнрех хӗрарăмсене виççӗмӗш ачашăн 100 000 тенкӗ укçа параççӗ. Тӗп услови - çамрăк анне ялта пурăнаканни пулмалла.

Пособие илмешкӗн заявление республикăри укçан пулăшу паракан центра памалла. Кунтах укçине те тӳлӗç.