News by category - Тӗп хыпар
-
Чистайра ыркăмăллăх акцийӗ иртрӗ
ТР Патшалăх Канашӗн депутачӗ Дмитрий Анатольевич Самаренкин ертсе пыракан Тутарстанри чăваш наципе культура автономийӗн Канашӗн представителӗсем паян, апрелӗн 9-мӗшӗнче, Чистай районӗнчи Юлдуз поселокӗнче вырнаçнă «Чистайри социаллă тивӗçтерӳ çурчӗ» психика чирӗпе аптракансен интернатӗнче ыркăмăллăх акцийӗпе пулчӗç. Учреждение кӗпе çумалли 150 килограмм порошокпа 30 литр кондиционер пачӗç.
-
Раççейӗн çӗнӗ регионӗсене Тутарстанран черетлӗ гуманитари тиевне илсе çитернӗ
Ятарлă çар операцийӗ пуçлансанах депутатсен корпусӗ гуманитари пулăшăвне пуçтарас ӗçе пуçарса ячӗ. Салтаксемпе пӗр рете тăма кăмăл туса хăйсен ирӗкӗпе СВОна каякансем те пулчӗç вӗсен хушшинче. Салтаксене мӗн кирлине вӗсем ыйтса пӗлсе тăраççӗ. Апрелӗн 8-мӗшӗнче акă черетлӗ хутчен тиев Донбаса çитрӗ.
-
«Сувар» хаçат тӗп редактор çумӗн Вера Александрован паян çуралнă кун!
Паян, апрелӗн 8-мӗшӗнче хăй çуралнă кунне «Сувар» хаçатăн тӗп редактор çумӗ Вера Валерьевна Александрова паллă тăвать.
-
Хусана Чăваш патшалăх юрăпа ташă академи ансамблӗ «Чăваш тӗнчи» çӗнӗ программăпа килет
Апрелӗн 26-мӗшӗнче Хусана Чăваш патшалăх юрăпа ташă академи ансамблӗ «Чăваш тӗнчи» программăпа килет. Ансамблӗн директорӗ Леонид Антонов пӗлтернӗ тăрăх, программăна пач çӗнӗ постановкăсем кӗртнӗ.
-
Патшалăх Канашӗн ларăвӗнче Тутарстан агропромышленность сферинче хăй вырăнне упраса хăварса ертӳçӗ регион пулнине палăртрӗç
ТР Патшалăх Канашӗн комитечӗсенче Правительствăн Отчетне сӳтсе явасси малалла пырать. Паян Министрсен Кабинечӗн Отчетне Экологи, çутçанталăкпа усă курасси, агропромышленноçпа апат-çимӗç политикин комитечӗпе ун çумӗнчи Экспертсен канашӗн пӗрлехи ларăвӗ иртрӗ.
-
Марат Ахметов кӳршӗ районсене Нурлатăн чăваш тата тутар чӗлхисене вӗрентес опытне тӗпчеме сӗннӗ
Якуркелӗнче чăваш чӗлхине вӗренмелли инновациллӗ методика центрӗ пулать. Апрелӗн 2-мӗшӗнче ТР Патшалăх Канашӗн Председателӗн тивӗçӗсене пурнăçлакан, ТР Раисӗ çумӗнчи Тутар чӗлхине тата Тутарстан Республикинче пурăнакан халăхсен чӗлхисене упраса хăварассипе тата аталантарассипе комисси председателӗ Марат Ахметов Нурлат районне ӗçлӗ çулçӳревпе çитнӗ. Вăл районта пурăнакан халăхсен чӗлхисене вӗрентекен учрежденисен ӗçӗ-хӗлӗпе паллашнă.
-
«Никрут юррин» суйлав турӗсем пуçланчӗç
Мартӑн 28-мӗшӗнче Аксу районӗнчи Кивӗ Саврӑш ялӗнче «Никрут юрри» фестиваль-конкурсӑн зонăри тапхӑрӗ иртрӗ. Салтака юрласа ăсатасси – çитӗнекен ăрăва патриотла воспитани парас ӗçре пысăк вырăн йышăнать, вăл халăх пултарулăхӗн пӗр пайӗ, чăвашсен пурнăçӗнче çирӗп вырăн йышăннă йăла.
-
Чăваш наципе культура автономийӗ тата «Чӗкеç» халăх ансамблӗ 35 çул тултарчӗç
Кунти тӗрлӗ професси çыннине пӗрлештерекен Чăваш наципе культура автономийӗпе «Чӗкеç» халăх ансамбльне уйрăмшар куç умне кăларма çук, 35 çул тăван культурăна сыхласа аталантаракан туслă тандем вăл. Çырчалли чăвашӗсем сумлă датăна мартăн 29-мӗшӗнче хулари «Родник» Туслăх Çуртӗнче анлăн паллă турӗç.
-
Алексей Ярухин 60 çулхи юбилейне паллă тăвать
Алексей Егорович Ярухин март уйăхӗн 30-мӗшӗнче 1966 çулта Çӗпрел районӗнчи Çӗнӗ Упи ялӗнче çуралнă. Хальхи вăхăтра район администрацийӗн пуçлăхӗн çумӗ пулса ӗçлет.
-
Пӗтӗм Раҫҫейри конкурсра чӑваш чӗлхи вӗрентекенӗсенчен пиллӗкӗшӗ ҫӗнтерӳҫӗ пулчӗҫ
Мартӑн 26 - 27-мӗшӗсенче тӑван чӗлхе вӗрентекенӗсен хушшинче мастер-класс енӗпе конкурс иртрӗ. Чӑваш, мари, мордва, удмурт секцийӗн ҫӗнтерӳҫи Анат Камӑри 34-мӗш гимназин вӗрентекенӗ Светлана Козлова пулчӗ.
-
«Ӗмӗт» этно-ушкăн çӗнӗ альбомне хăтларӗ
Мартăн 25-мӗшӗнче, шăп Культура ӗçченӗн кунӗнче, Хусанти çамрăксен Анжелика Еремеева ертсе пыракан «Ӗмӗт» ушкăнӗ куракана пысăк парнепе савăнтарчӗ. Халăхсен Туслăх Çуртӗнче тăватă çынран тăракан этно-ансамбль «Çутçанталăк (Мир). Чувашская мифология» çӗнӗ альбомне хăтларӗ. «Росмолодежь. Гранты» Çамрăксен ӗçӗсен федераллă агентстви проекта ырласа тӗрев панă.
-
Аксу районӗнчен 47-мӗш гуманитари конвойӗ çула тухрӗ
Гуманитари пулăшăвне волонтерсем Аксу тăрăхӗнчен кайнă салтаксем тăракан кашни региона çитерӗç.
-
Рустам Миннихановăн Китайри ӗçлӗ çӳлçӳревӗн тӗллевӗсенчен пӗри – «Тутарстан – Хубэй» ӗç форумӗ
Тутарстан Республикин Раисӗ Рустам Минниханов мартăн 18-мӗшӗнчен Китая ӗçпе тухса кайрӗ, пӗлтерет ТР Раисӗн пресс-служби. Çак хушăра вăл малтанласа Аньхой провинцийӗнче, унтан Ухань хулисенче темиçе ӗçлӗ тӗлпулу ирттерчӗ.
-
ТР Раисӗ Рустам Минниханов Крым Республикинче пурăнакансене историлле кунпа саламланă
Рустам Минниханов MAXри хăйӗн каналӗнче Крым Республикипе Севастополь Раççейпе пӗрлешнӗренпе 12 çул çитнӗ ятпа саламласа Крым çыннисене тăнăç пурнăç, ырлăхпа ăнăçу суннă. Тутарстанпа Крым республикисем экономикăпа социаллă культура сферинче çирӗп çыхăнусемпе туслă хутшăнусем йӗркеленине палăртнă.
-
Нурлатра Владимир Иванова асӑнса сӗтелҫи теннисӗн турнирӗ иртрӗ
Спорт ӑмӑртӑвне Тутарстансӑр пуҫне кӳршӗллӗ регионсенчен те хутшӑнчӗҫ.