News by tag - Экономика

02 октября 2025
Октябрьтен республикăри шкулсенче «Школьный бизнес-старт» проект хута каять

«Школьный бизнес-старт» республика программи пурнӑçланма тытăннăранпа виçӗ çул хушшинче унта Тутарстанăн 34 пин ытла вӗренекенӗ хутшӑннӑ. Проект тӗллевӗ – республика пуласлăхӗ валли кадрсен резервне туса хурасси.
07 апреля 2025
Паян «Вак укçа эрни» акци пуçланчӗ

Раççейре тенкӗсене хут укçана куçарас акци пырать. Пӗлтӗр пуçтарнă укçан йывăрăшӗ 336 тоннăпа танлашнă
23 ноября 2024
Тӳпери лаборатори

Раççейре туса кăларнă пайсем вырнаçтарнă Ту-214 самолета ытларикун Хусанта вӗçеве кăларса тӗрӗсленӗ.
11 сентября 2024
Раççейре цифра трансформацийӗпе çӗнӗ наци проекчӗ хута каять

Искусствăлла интеллект, хамăр çӗршывăн софчӗ, киберпреступниксемпе кӗрешесси, миллионшар çынлă хуласене 5G тивӗçтересси – çак тата ытти ыйтусене пăхса тухрӗç Kazan Digital Week форумăн пленарлă ларăвӗнче.
10 сентября 2024
Казань Экспо халăхсен хушшинчи курав центрӗнче Kazan Digital Week форум уçăлчӗ

Ӗнер, сентябрӗн 9-мӗшӗнче Kazan Digital Week 2024 халăхсен хушшинчи форум иртрӗ. Вăл пилӗк çулхи историре федераллă статуса тивӗçнисӗр пуçне Раççейӗн ИТ сферин чу курăмлă та пӗлтерӗшлӗ пулăмӗсен шутне кӗчӗ.
05 сентября 2024
Kazan Digital Week халăхсен хушшинчи форум кăçал сентябрӗн 9-11-мӗшӗсенче иртӗ

Çывăхри пысăк мероприятисенчен пӗри — Kazan Digital Week халăхсен хушшинчи форум. ТР цифра министрӗ Айрат Хайруллинсăмахӗпе, форума 7000 çын регистрациленнӗ. Онлайн-форматпа хутшăнакансене шута илсен 25 пинрен иртмелле. Географи анлă, инçетри татат çывăхри ют çӗршывсенчен 112 ытла представитель килмелле.
22 мая 2024
KazanForum 2024 Петербургри экономика форумӗнчен иртсе кайнă

Май уйăхӗн 14-19-мӗшӗсенче Хусанта иртнӗ «Раççей — ислам тӗнчи: KazanForum 2024» XV халăхсем хушшинчи экономика форумӗ анлăшӗпе Санкт-Петербургри форумран та иртсе кайнă. Нева хӗрринчи хулари форума пӗлтӗр 17 пин çын килнӗ пулсан, Хусантине — 22 пин. Пӗтӗмпе 87 çӗршыв, Раççейӗн 87 субъекчӗ хутшăннă. Çав кунсенче «Хусан Экспо» Халăхсем хушшинчи курав центрӗнче 180 яхăн мероприяти иртнӗ, 120 килӗшӗве алă пуснă. 40 ытла дипломати миссийӗ ӗçленӗ. Чи пысăк делегаци Турци, Кăркăсстан, Малайзи, Казахстан, Афганистан, Ливи, Туркменистан тата ытти çӗршывран пулнă. Форума май уйăхӗн 21-мӗшӗнче ТР Министрсен Кабинетӗнче иртнӗ брифингра пӗтӗмлетрӗç.
06 мая 2024
«Раççей — Ислам тӗнчи» KazanForum» халăхсен хушшинчи экономика форумӗ кăçал 15-мӗш хут иртет

Майăн 14-19-мӗшӗсенче иртекен экономика форумне паяна 80 çӗршывран пурӗ 11 пине яхăн çын регистрациленнӗ. Кун пирки ТР Правительство Çуртӗнче иртнӗ брифингра Инвестицилле аталану агентствин ертӳçи Талия Минуллина пӗлтерчӗ. Ун сăмахӗпе, йышлă делегацисемпе килекеннисен шутче кăçал Чăваш Ен те кӗнӗ.
26 марта 2024
Налог тата налогпа çыхăнман тупăш енӗпе Тутарстан Раççейре тăватăмӗш вырăнта

Республикăн пӗрлехи бюджетне укçа кăçал, тӗпрен илсен, ахаль çынсен тупăшӗнчен, организацисен тупăшӗпе пурлăхӗнчен пурӗ 69,2 миллиард тенкӗ кӗнӗ. Ку вăл налог тата налугпа çыхăнман укçа. Вӗсенчен 58,6 миллиард тенкине республика бюджетне, 10,6-шне вырăнти бюджетсене янă. Кун çинчен ТР финанс министрӗн çумӗ Алла Анфимова мартăн 26-мӗшӗнче «Татар-информ» агентствăра журналистсемпе тӗл пулсан каласа пачӗ.
31 января 2024
Бюрократи, кадрсен çитменлӗхӗ, укçа-тенкӗ ыйтăвӗ... Тата мӗн чăрмантарать пӗчӗк тата вăтам бизнеса?

ТР экономика министрӗ палăртнă тăрăх, 2024 çулта пӗчӗк тата вăтам предпринимательствăна (малалла ПВП) нацпроект хӳттинче пулăшасси малалла пурнăçланӗ. «Бизнеса ӳсме майсем туса памалла. Вӗсем микро шайран пӗчӗк компани, пӗчӗк компанирен вăтам е пысăкки таран çитмелле» – терӗ Мидхат Шагиахметов.
30 января 2024
Тутарстан бизнесӗ çӗнӗ рыноксене тухмашкăн пулăшма ыйтать

РФ Социаллă экономика проекчӗсене финанслакан патшалăх корпорацийӗн йышне кӗрекен Информаци технологийӗсен аталанăвӗн фончӗ январӗн 25 — 26-мӗшӗсенче бизнес-миссипе Тутарстанра пулчӗ. Тӗллевӗ — вырăнти власть представителӗсемпе, халăхпа, предпринимательсемпе, экспертсемпе пӗрле региона, çӗршыва аталантаракан çӗнӗ проектсемпе программăсем йӗркелесси. Асăннă фонд бизнес-миссипе пулнă тăваттăмӗш регион ку.
09 октября 2023
Бензин хакӗ чакнă

РФ премьер-министрӗпе Михаил Мишустинпеа иртнӗ тӗлпулура Раççей вице-премьерӗ Александр Новак çӗршывăн 81 регионӗнче бензин тата дизель хакӗ чакнине палăртнă.
19 февраля 2023
Тутарстанра Беларусь делегацийӗ

Тутарстан Республикин делегацийӗ 2022 çулхи июлӗн пӗрремӗшӗнче Беларусь Республикинчи Гродно хулинче ӗçлӗ визитпа пулнă. Çавăн чух Патшалăх Канашӗпе Минск облаçӗнчи Депутатсен Канашӗ Хусанта тӗл пулма калаçса татăлнă. Виçӗ кунра хăнасем Тутарстанăн тӗрлӗ сферăра тунă çитӗнӗвӗсемпе паллашса ӗçлӗ тӗлпулусене хутшăнчӗç, килӗшӳсем турӗç. Хăнасене уйрăмах республикăн агропромышленность секторӗнчи аталанăвӗ интереслентернӗ, цифровизаци çӗнӗлӗхӗсем те.
23 июня 2022
Санкт-Петербургри Халăхсен хушшинчи экономика форумӗнчен Тутарстан 32 килӗшӳпе таврăннă

Июнӗн 15-18-мӗшӗсенче Санкт-Петербургра 25-мӗш хутчен Петербургри халăхсен хушшинчи экономика форумӗ иртрӗ. Геополитикăри лару-тăрăва пăхмасăрах кăçал унта 140 çӗршывăн представителӗсем хутшăнчӗç, çав шутра Анăçри пирӗнпе туслă мар çӗршывсенчен те. Пӗлтӗрхипе танлаштарсан кăшт çеç сахалрах. Мӗне пӗлтерет-ха ку? Тӗнчери политиксем пӗр-пӗринпе урлă пулса пӗтсен те бизнес çаврăмӗн хăйӗн тӗнчекурăмӗ. Вӗсем ӗçлӗ хутшăнусемпе çыхăнусене татасшăн мар.
21 мая 2022
Китайпа Инди производителӗсене мар, хамăрăннисене çул памалла

Çырчаллинчи ТАТПРОФ компани май уйăхӗн 12-мӗшӗнче бизнеса аталантармалли ятарлă ТАТПРОФ-СТАРТ проект пуçарчӗ. Ял хуçалăхпа инфраструктура строительствисем, машинăсем тăвас, çăмăл промышленность, ял хуçалăх валли алюминирен экструзи мелӗпе профильсем (пӗтӗмпе 10 000 тӗрлӗ ытла) хатӗрлессипе çӗршывра лидер. Ку енӗпе Раççей рынокӗн 20 процентне йышăнать. Алюминипе ӗçлекен çамрăк предприятисене, усламçăсене пулăшу парасшăн.

Подписаться