News by tag - общество
-
Тутарстанри ял хутлăхӗсене 43 миллион ытла тенкӗлӗх çӗнӗ ял хуçалăх техники параççӗ
Çĕнĕ техникăна республикăн Агрыз, Азнакай, Элкел, Элмет, Менделеевск, Анат Кама, Сарман тата Тукай районĕсенчи 17 ял хутлăхне парӗç.
-
«Таса ăру – 2025» Пӗтӗм Раççей акцийӗ иртрӗ
«Таса ăру – 2025» Пӗтӗм Раççей акцийӗ кăçал та икӗ тапхăрпа пулчӗ. Пӗрремӗшӗ март уйăхӗн 10–19-мӗшӗсенче, иккӗмӗшӗ – ноябрӗн 13 – 21-мӗшӗсенче иртрӗ
-
«Паянхи кун паттăрӗсем» обществăлла наградăна кăçал 70 çын тивӗçрӗ
Кулленхи пурнăçра, вӗренӳре, наукăра паттăрлăх кăтартакансемпе пысăк çитӗнӳсем тăвакансене «Паянхи кун паттăрӗсем» обществăлла наградăпа Тутарстанра 2013 çултанпа чыслаççӗ. Кăçал ăна 7 çултан пуçласа 85 çула çитичченхи 70 çын тивӗçрӗ. Вӗсен паттăрлăхне «Гуманитари пулăшăвӗ», «Юный Герой», «Герой нашего времени» тата «Доброволец Татарстана» номинацисемпе палăртрӗç. Çаплах СВО паттăрӗсене те чысларӗç
-
Автоград Çӗнӗ çула хатӗрленет
Çырчаллинчи Çӗнӗ Çул лапамӗ кăçал хула çыннисене уйрăм илемӗпе тӗлӗнтерӗ. Хула администрацийӗнче пӗлтернӗ тăрăх, икӗ юбилейлă датăна – Çырчаллин 400 çулне тата КАМАЗăн пӗрремӗш автомобильне кăларнăранпа 50 çул çитнине – халалласа капăрлатасса хыпарлать vestikamaza.ru сайт. Ҫапла вара, «Азатлык» тӳремре юбилейлă пулӑмсем валли ятарласа тунӑ çӗнӗ декораци элеменчӗсем пулӗç. Тӗп капăрлăхсенчен пӗри – лапама кӗнӗ çӗрте вырнаçтарма палăртнă «400 çул» пысăк конструкци пулӗ.
-
Пăва районӗнчи садиксем конкурс-фестивальте халăх йăлисене кăтартрӗç
Ноябрӗн 11-мӗшӗнче Пӑва хулинчи ача сачӗсен хушшинче «Живи в веках родной язык» конкурс-фестиваль иртрӗ. «Ромашка» ача садӗнче пулнă уява Пӑва хулинчен 10, ялсенчен 2 садик хутшӑнчӗ.
-
Мускавра салтаксене халалланă литература каçӗсем иртрӗç
Халăхсен пӗрлӗхӗн кунӗ умӗн А.Н. Аринин (Вырăс писателӗсен союзӗн Чăваш Енри уйрăмӗн ертӳçи) ертсе пынипе Вырăс писательсен союзӗпе «Русская Академия Нравственности» коммерцилле мар организаци Мускаври библиотекăсемпе çар госпиталӗсенче СВО паттăрӗсене халалланă литературăпа музыка тӗлпулăвӗсем ирттерчӗç.
-
Хусанта декабрьтен робот-курьерсем ӗçлеме тытăнаççӗ
Декабрь уйăхӗн пуçламăшӗнче Хусан хулин Вахитов районӗнче робот-курьерсем заказсене илсе килме пуçлаççӗ. Уйăх варринче вӗсен ӗç лаптăкне анлăлатӗç, малашне вара сервис пӗтӗм хулана сарăлать.
-
Каллех хаксем ӳсеççӗ
2026 çулта Тутарстанра коммуналлă услугăсен тарифĕсем икӗ хутчен те ӳсеççӗ. Пӗрремӗшӗ январĕн 1-мĕшĕнчен, ун чух 1,7 процент ытларах тӳлӗпӗр. Кун çинчен ТР Тарифсем енĕпе ĕçлекен патшалăх комитечĕн председателĕн пĕрремĕш çумӗ Лариса Хабибуллина ТР Патшалăх Канашĕн çурт-йĕр политикин тата инфраструктурăн аталанăвĕ енĕпе ĕçлекен комитечĕн ларăвĕнче пĕлтернĕ.
-
Çӗпрелсем Наталья Синдюковăна ырă кăмăллă тухтăр пулнăшăн хисеплеççӗ
Районти тӗп больницăра та анестезиолог-реаниматологсем çитмеççӗ халӗ. Çавăнпа вӗсен талăк вăхăтне пăхмасăр, тепӗр чух канмалли кунсемсӗр, ӗçлеме тивет. Наталья Андриановна та акă хуть хăçан та çыхăнура, район çыннисене ялан пулăшма хатӗр.
-
Шкул ачисен йӗрке хуралӗн чи лайăх отрячӗ
Конкурсăн мӗнпур тапхăрӗнче çӗнтересе мала тухаканӗ кăçал Хусанти Ново Савиново районӗнчи 170-мӗш нумай профильлӗ лицей. Яланхи йăлапа çӗнтерӳçӗсене хаваслă лару-тăрура Раççей ШӖМӗн Хусанти управленийӗн Хисеп хучӗпе тата куçса çӳрекен кубокпа чысланине пӗлтерет ШӖМ пресс-служби.
-
Вунă çул обществăна таврăнма пулăшаççӗ
Алкоголь чирне пула ашшӗ-амăшӗн прависене туртса илес патне çитнӗ е туртса илнӗ çемьесене пулăшасси проектпа ӗçлекенсен тӗллевӗ пулса тăрать
-
Тутарстанра хӗлле çулсене тасатма 1000 единица техника хатӗрлесе хунă
ТР Транспорт тата çул-йӗр хуçалăхӗн министерствин пресс-служби пӗлтернӗ тăрăх, сивӗ сезонра республика çулӗсене пӗтӗмпе 1030 единица ятарлă техника пăхса тăрӗ, вӗсем: 345 хутăш (комбинированный) çул-йӗр машини, 130 автогрейдер, 145 ротор, 400 ытла ытти техника.
-
ТУТАРСТАНРА ПУРӐНАКАНСЕМ РАÇÇЕЙРЕ ПӖРРЕМӖШСЕН ШУТӖНЧЕ МФЦăна MAX УРЛӐ ÇЫРӐНМА ПУЛТАРАÇÇӖ
MAXăн лайӑх енӗ - вӑл интернетӑн пӗчӗк хӑвӑртлӑхӗпе ӗçленинче, çавăнпа унпа интернет çыхăнăвӗ начар ӗçлекен регионсенче пурӑнакансемшӗн те усă кураяççӗ.
-
Ноябрӗн 10-12-мӗшӗсенче Анат Камăра «ТехноПатриот» беспилотниксене çӳретессипе ăмăрту иртет
Ăмăртăва республикăри тӗп шкулсенче, профессилле вăтам пӗлӳ паракан учрежденисенче тата аслă шкулсенче вӗренекен 16-18 çулсенчи çамрăксем хутшăнаççӗ. Кашни командăра 3-шер çын (2 вӗренекен тата 1 педагог, куратор). Ăмăртура пӗтӗмпе 20 команда (Анат Кама, Элмет, Алексеевски, Пӗкӗлме, Пăва, Елабуга, Тюлячи, Мӗслӗм, Çӗнӗ Шуçăм, Çырчалли, Чистай).
-
Çул-йӗр çинчи инкеке ачасем нумай чухне хăйсен тимсӗрлӗхне пула лекеççӗ
Çулталăк пуçланнăранпа Тутарстан территорийӗнче ачасем хутшăннипе пулнă 112 инкекрен кашни виççӗмӗшӗн сăлтавӗ – ачасем хăйсем, вӗсен асăрханусăрлăхӗ. Кун çинчен ТР ШӖМӗн Патшалăх автоинспекцийӗн управленийӗн ертӳçин çумӗ Дамир Бикмухаметов çак кунсенче Республикăн çул çитменнисен ӗçӗсемпе вӗсен правине хӳтӗлессипе ӗçлекен комиссийӗн ларăвӗнче пӗлтернӗ.
