Лана Прусакова Швейцарире кубокшăн тупăшать
Шупашкарта пурăнакан Лана Прусакова январӗн 15-17-мӗшӗсенче Швейцарири Лакс хулинче иртекен Фристайл енӗпе тӗнче кубокӗн тапхӑрне хутшӑннине Чувашия.Медиа сайт пӗлтерет.
Спортсменкăшăн ку турнир питӗ пӗлтерӗшлӗ. Унта кăçал иртекен Хӗллехи Олимп вӑййисене хутшӑнма рейтинг очкисене пуçтарма май пур. Хӗллехи Олимп вӑййисем февралӗн 6–22-мӗшӗсенче Италири Милан тата Кортина-Д 'Ампеццо хуласенче иртмелле. Тӗнче кубокӗн тапхӑрне хутшӑнни спортсменкӑна хӑйӗн вӑйне тӗнче шайӗнче тӗрӗслеме май парать.
Каласа хăвармалла, Лана Чăваш Енпе кăна мар, Тутарстанпа та тачă çыхăннă. Унăн кукашшӗ Юрий Афанасьевич Абрамов Нурлат районӗнчи Уксăмлă ялӗнче çуралса ӳснӗ. Çамрăклах Çӗнӗ Шупашкар хулине ӗçлеме кайса тӗпленнӗ, çемье çавăрнă. Светлана ятлă хӗрпе Владимир ятлă ывăл çуралнă Абрамовсен. Лана – Светланăн хӗрӗ.
Чăваш хӗрне ăмăртусенче ăнăçу сунатпăр!
Чувашия.Медиа сайтран илнӗ сăнӳкерчӗк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев