15-мӗшӗччен шашлык пӗçерместпӗр

Апрелӗн 25-мӗшӗнчен Хусанта пушара хирӗç ятарлă режим пуçланать. Вăл пурӗ 20 куна тăсăлать, урăхла каласан майăн 15-мӗшӗччен. Кун çинчен паян Хусан Ӗçтăвкомӗн ӗçлӗ тунтикунӗнче пӗлтернӗ.

Çапла вара май уйăхӗн 15-мӗшӗччен хула территорийӗнче типнӗ курăка, çӳп-çапа çунтарма, кăвайт чӗртсе (е мангал çинче) шашлык пӗçерме юрамасть. Кун пек мера çуркунне пушар тухас хăрушлăх уйрăмах пысăккипе çыхăннă.

Енчен те пушара хирӗç режима пăхăнмасан административлă явап тыттараççӗ. Граждансене - 2-4, должноçрисене - 15-30, организаци-предприятисене 200-400-шер пин тенкӗ тӳлеттереççӗ. (Р.Гали сăнӳкерчӗкӗ).