2025 çул Раççейре Тăван çӗршыв хӳтӗлевçин çулталăкӗ пулать

2025 çулта Аслă Çӗнтерӗве 80 çул çитнине халалланă мероприятисем ирттересси çинчен аса илтернӗ Раççей Президенчӗ.

«Çавăнпа хамăрăн паттăрсене – паянхи кун ятарлă çар операцине хутшăнакансене, Тăван çӗршывшăн историн тӗрлӗ тапхăрӗсенче нацизма хирӗç кӗрешекенсен тата аттесемпе асатте-кукаçисен, мăн асатте-кукаçисен паттăрлăхне асра тытса 2025 çула Тăван çӗршыв хӳтӗлевçин çулталăкӗ тесе йышăнма сӗнетӗп», – тенӗ Владимир Путин.

2007 çултан çулсерен президент хăйӗн хушăвӗпе çитес çулталăка пӗр темăна халаллать. Малтанласа Раççейре Çемье çулталӑкӗ (2008 çулта)  иртрӗ. 2022-мӗш çулта Раççей халӑхӗсен пӗрлӗхӗн çулталӑкӗ, 2023-мӗш çул – Педагог тата вӗрентекен çулталăкӗ, 2024-мӗш çул, 2008-мӗш çул пекех, – Çемье çулталăкӗ пулчӗ.

Каласа хăвармалла, сентябрь уйăхӗнче ТР Раисӗ Рустам Минниханов  2025 çул Тутарстанра та  Тăван çӗршыв хӳтӗлевçин кунӗ пулнине пӗлтернӗ. 

Сăнӳкерчӗк kremlin.ru сайтран.