Ноябрӗн 23-мӗшӗнче Ульяновскра Чăваш тумӗн «Нарспи» фестивалӗ иртет

Чăваш Ен, Ульяновск облаçӗн тата Тутарстан ăстаçисем çӗленӗ çӗр ытла ӗлӗкхи тата хальхи чăваш тумне – хӗр-хӗрарăмсемпе арçын кӗписене, сурпана – сцена çинче кăтартӗç. Фойере хушпу-тухья, эрешсен, чăваш тӗрриллӗ алшăллисен, сӗтел çиттисен куравне йӗркелеççӗ. Куракансем дизайнерсен, ал ăстисен «Культура в костюме» мастер-класӗсене те хутшăнма пултараççӗ.

Çав кунах Пысăк залра Чăваш патшалăх академи юрăпа ташă ансамблӗн 100 çуллăхне халалланă «За годом – год, 100 лет успешно пройдены» театрализациленӗ концерчӗ те пулать. Программăра: пултарулăх коллективӗн ылтăн фондӗнчи постановкăсем, çаплах хальхи юрри-ташши, сютăсем. Фестивале Пушкин карттипе те кӗртеççӗ. (Автор сăнӳкерчӗкӗ).