KazanForum: «Хусан Экспора» куçман пурлăхпа çыхăннă Халăхсем хушшинчи куравпа конференци ӗçлеме пуçларӗ

Виçӗ кунра 18 отраслӗн сессийӗсенче Раççейпе 18 ют çӗршывăн 150 ытла спикерӗ тухса калаçать. Вӗсенче власть представителӗсем, девелоперсем, инвесторсем, архитекторсемпе технологи компанийӗсем искусствăлла интеллектпа çӗнӗ технологи йышăнăвӗсем проект хатӗрлессине, стройка  ӗçне илсе пырассине, территори аталанăвне, строительство компанийӗсен бизнес-модельне мӗнле улăштарнине сӳтсе яваççӗ.

Çаплах кунта «Я – строитель будущего» интерактивлă площадка та ӗçлет. Проект шкул ачисемпе студентсене строительство сферинче ӗçлемелли профессисепе паллаштарассипе çыхăннă. Çаплах «Архитектурный код эпохи: национальное наследие и устойчивое градостроительство в условиях глобального сотрудничества», «Оценка эффективности проекта ГЧП/МЧП и определение его сравнительного преимущества: как поменялась методика и к чему готовиться?», «Новые подходы к строительству. Инновационные строительные решения и материалы для России и исламского мира», «Коммерческая недвижимость: новая экономика девелопмента» темăсемпе сессисем те пыраççӗ.

«Ак Барс Дом» компани «ЗАСТРОЙ-КА:Командный прорыв» бизнес-вăйă ирттерет. Студентсем сахал ресурспах пурăнмалли комплекс проектне хатӗрлеççӗ кунта. Çапла майпа практикăра вăхăтпа, укçа-тенкӗпе тӗрӗс мӗнле усă курмаллине вӗрентет вăл.

«Строительство нового цикла: как расти через технологии, партнерства и системное управление» практикума строительство бизнесӗн комплекслă трансформацине халалланă. Спикерсем рынокăн çӗнӗ условийӗсене мӗнле хăнăхмаллине, AI тата цифра инструменчӗсемпе мӗнле усă курмаллине, партнерсемпе инвестицие илӗртмелли проектсем мӗнле хатӗрлемеллине каласа параççӗ.

Куçман пурлăхпа çыхăннă куравпа конференци май уйăхӗн 15-мӗшӗччен тăсăлаççӗ-ха. (Сăнӳкерчӗк KazanForum-2026 сайтран).