News by author - Николай Ларионов
-
Марье аккан ывăлӗсем тутарла та, чăвашла та пӗр пекех аван калаçаççӗ
– Ун чухне ӗç çыннине кашнине хаклатчӗç – чыслă ятсем, орден-медаль, кашни уявра тенӗ пек парне паратчӗç (утиял, простынь тата ытти те). «Çӗнӗ çул» ятлă район хаçатӗнче те яланах çырса тăратчӗç пирӗн çитӗнӳсем çинчен, Хусантан та журналистсем килкелетчӗç. Район тата колхоз пуçлăхӗсем мана Социализмла Ӗç Геройӗ ятне пама та шут тытнă иккен, çак тӗллевпе документсем хатӗрлеме пуçларӗç ӗнтӗ, мана кантура чӗнтерсе анкетăсем çыртарчӗç. Анчах 1968 çулхи февральте ман пӗрремӗш ача çуралчӗ, эп декрета кайрăм. Ун хыççăн вара ку пуçару путланчӗ, – каласа парать Мария Сергеевна.
-
ÇӖНӖ ЙӖЛМЕЛ ИСТОРИЙӖНЧЕН
XVII ӗмӗр вӗçӗнче ку тăрăха çурçӗр енчен чăвашсем килнӗ те йӗлме йывăçӗ нумай ӳсекен вăрман хӗрринче тӗпленнӗ
-
Çӗпрел районӗнчи Хăймалу ялӗнче пурăнакан Мария Петровна Кузьмина (Шуркина) ноябрӗн 3-мӗшӗнче 100 çул тултарчӗ
Вӗсем хӗвелтен маларах тăрса ӗçленӗ, çынсене хисепленӗ, ача-пăча ӳстернӗ. Ялан васканă, ялан мӗн-тӗр ырри патне туртăннă Çӗпрел районӗнчи Хăймалу ялӗнче пурăнакан Мария Петровна Кузьмина (Шуркина) ноябрӗн 3-мӗшӗнче 100 çул тултарать. Вăл пӗр ӗмӗр каялла Çӗнӗ Йӗлмел ялӗнче 9 ачаллă çемьере çуралнă. 1930-мӗш çулсен пуçламăшӗнче çемье репрессие лекет, вӗсен кил-çуртне тустарса район центрне илсе каяççӗ, ашшӗне тӗрмене лартаççӗ. Çемье урамра юлать. Юрать, çывăх тăванӗсем кӗртеççӗ вӗсене вăхăтлăха. Хӗрачасенчен асли пулнă май килти ӗçсем Марье çине ытларах тиеннӗ, колхоз ӗçне те ир кӳлӗннӗ вăл. Шкулта 4 çул çеç вӗренме май пулнă.
-
ПИРӖН ĂСЛĂ ПУЛМАЛЛА, МАЛАШЛĂХА ÇИВӖЧ КУÇПА ПĂХМАЛЛА
Шумерсемпе хазарсем валли паян никам та шкул туса памасть, кӗнекесем кăлармасть
-
Тӳпеттей
Иван Бильменов хура «Волгăпа» хуларан тăван ялне таврăнать, инçе мар вӗсен хушши, 30 çухрăм çеç. Ялта ӗçлемест халь вăл, анчах темиçе çул каялла кăна çӗр çынниччӗ. Нумай çул колхозра водительте вăй хучӗ, ЗИЛ-130 автомашинăпа çӳрерӗ, ялан малта пычӗ. Тăрăшуллă шофер вăл, ун машини ялан хутра. Уявсем тӗлне лайăх ӗçшӗн премисем те илетчӗ. Ӗççи вăхăтӗнче машининчен прицеп çаклатса ярса элеватора нумай тырă турттарчӗ, республикипех мала тухрӗ. Уншăн ăна ВДНХ ылтăн медальне пачӗç. Колхоз председателӗ те, ытти пуçлăхсем те ăна шав мухтатчӗç, шанатчӗç, тӗслӗхе хуратчӗç, яваплă рейссене яратчӗç.
-
Сӳтнӗ пӳртне нумай çул иртсен кӗрсе курнă
Пӳрте тустарма килнӗ чух çемье яшка çисе ларнă, вӗсене урама тухăр тесе кăшкăрнă. Анчах хăй пӳртӗнчен камăн тухасси килтӗр? Вӗсем çаплах апат тунă. Лешсем хăпарса кайса ишме тытăнсан сӗтел çине мачча хăмисен хушшинчен тăпрас юхса тăнă...
-
Борис Чернов: «Ачасене кӗрешме вӗрентесси – манăн чи пысăк ӗмӗтчӗ»
Атăлçи регионӗсенчи спорта юратакансем, ирӗклӗ кӗрешӳпе интересленекенсем Борис Чернова лайăх пӗлеççӗ. Вăл Çӗпрел районӗнчи Куршанкă Шăхаль ялӗнче 1956 çулхи июнӗн 7-мӗшӗнче çуралнă. Халӗ Ульяновск облаçӗнчи Чăнлă районӗн ирӗклӗ кӗрешӳçисен командин аслă тренерӗ. Борис ачаллах йăрă ӳснӗ, спорт вăййисене юратнă, тантăшӗсем хушшинче хоккейла выляссипе кӳршӗ ялсемпе вăйăсем йӗркеленӗ. Вӗренме те япăх вӗренмен, шкул çумӗнчи участокра ӗçлесе вăл ВДНХ бронза медальне тивӗçнӗ. 1973 çулта Хурăнвар Шăхалӗнчи вăтам шкула пӗтерсен вăл Ижевскри ял хуçалăх институтне кайса кӗнӗ. Малтан лаша спорчӗпе аппаланнă. Çур çул хыççăн вара пӗр тӗлпулу унăн пурнăçне улăштарса янă.
-
ФЕРМЕР – ЯЛТА ХИСЕПЛӖ ÇЫН
Утеевсем – Çӗнӗ Йӗлмелӗнче (Çӗпрел районӗ) хресчен фермер хуçалăхӗ йӗркеленӗ пӗрремӗш çемье. Людмила Ивановнăпа Олег Никодимович 2007 çулта хăйсен ӗçне уçма шутланă.
-
Пӗр çемьерен – пиллӗкӗн!
Эпир атте тата тетесем фронтра вилни çинчен пӗлтерекен хучӗсене аннене пӗрне те кăтартман, пӗлтермен...
-
Атте миçе чикӗ урлă каçарса йăтса килнӗ чăматанне кӳршӗ яла çитсен çухатнă
Атте Берлинах çитнӗ, рейхстаг тăррине ялав çакас операцие те хутшăннă. «Кунта вырăссем нихçан та кӗреймӗç, кунта пирӗн 105 гарнизон тăрать», – тесе çырса хунă лозунг пуррине каласа панă вăл яла килсен. Ялав çакнă чух темиçе совет салтакне персе антарнине те каланă. Рейхстаг тăррине хăпаракансене нимӗçсем пӗр вăрттăн чӳречерен персе тăнă тет. Вара пирӗннисем команда панă – çак чӳречерен перекеннине тӗп тумасăр çӳлелле урăх улăхмалла мар. Ăна тӗп тусан тин вара ялав çакнă.
-
Алексей АМОСОВ: «ӖÇЛЕСРЕН ХĂРАМАСТПĂР, САМАНИ КĂНА ТИКӖС ТĂТĂР»
Районта пӗрремӗш çемье ферми йӗркеленӗ çамрăкăн тăрăшулăхне пуçлăхсем те асăрханă
-
Владимир ОСТРОУМОВ: "ХĂВНА ХĂВ ШАНМАСАН ÇИТӖНӲСЕМ ТĂВАЙМАСТĂН»
Ялан çын хушшинче вăл, ялан çынсене пулăшать, ӳркенсе тăраканни мар. Уншăн «çук», «пултараймастăп», «вăхăт çук» сăмахсем çук. Мӗнле май пур – çавăн пек пулăшать
-
Чăваш паттăрне халӗ те бюст лартман
Совет Союзӗн Геройне патшалăх çӗнӗ çурт лартса парасшăн пулнă, анчах вăл килӗшмен
-
ЧĂВАШ ХӖРӖ ФЕОФАНИЯ – МУСКАВРИ ПУКРАВ МĂНАСТИРӖН ИГУМЕНИЙӖ
Ольга Мискина Çӗпрел районӗнчи Çӗнӗ Йӗлмелӗнчен тухнă чăваш çемйинче çуралса ӳснӗ
-
Тăват ураллă паттăрсем
Дик ятлă колли вăрçă çулӗсенче 12 пин мина тупнă