2019 çулта Хусан тӗнче чемпионатне йышăнать

Августăн 22-27-мӗшӗсенче Хусан «WorldSkills» профессилле пултарулăхпа тӗнче чемпионатне йышăнать, пӗлтереççӗ ăмăртăва йӗркелекенсем. Мероприятие 56 компетенципе 60 çӗршывран 1600 çамрăк профессионал хутшăнмалла. Чемпионатăн тӗп компетенцийӗсемсӗр пуçне WorldSkills Kazan 2019 пуласлăх профессийӗсемпе иртекен FutureSkills тата 16 çул тултарманнисен хушшинчи WorldSkills Juniors ăмăртăвӗсен площадки те пулӗ. Чемпионата хутшăнакансен пултарулăхне 1500 эксперт тӗрӗслӗ, вӗсене пулăшма 3500 волонтера явăçтараççӗ. Сăмах май, вӗсем Раççейрен кăна мар, ют çӗршывсенчен те килеççӗ. (К.Малышев сăнӳкерчӗкӗ).