Çӗпрел районӗ Акатуя йыхравлать

Июнӗн 5-мӗшӗнче Çӗпрел районӗнчи Çӗнӗ Шăхаль ялӗнче йăлана кӗнӗ чăваш халăх уявӗ «Акатуй» иртет. Уяв 11.00 сехетре уçăлать. Кăнтăрла 12 сехетре спорт ăмăртăвӗсем пуçланаççӗ: чăваш халăх кӗрешӗвӗ, ут чупăвӗ, футбол, волейбол, велосипедсемпе,мотоблоксемпе ăмăртни, кире пукан йăтни, юпа çине хăпарни тата ытти те. Унсăр пуçне çынсем хăйсем тӗллӗн ăсталанă техника парачӗ пулать. Концерт пайӗнче вырăнти чăваш ушкăнӗсемсӗр пуçне Шупашкарти тата Чӗмпӗрти артистсем пултарулăхне кăтартӗç. 21 сехтре каçхи дискотека пулӗ.