Яковлев палăкӗ Мускавра халӗ те çук

(Константин Малышев. Автор сăнӳкерчӗкӗ). Чăваш халăх поэчӗ Валери Туркай Яковлев пулман пулсан, хальхи чăваш литератури пулман пулӗччӗ тесе каларӗ: «Иванов çырнă «Нарспи» те кун çути курман пулӗччӗ. Хусанкай, Павлов, Максимов-Кошкинский пек çăлтăрсем пултарулăх тӳпинче ялкăшман пулӗччӗç. Анчах, Яковлев сăнарӗпе эпир мăнкăмăлланатпăр пулсан та, Мускавра И.Я.Яковлев палăкӗ çук-ха. Тутарсем ав Тукай палăкне Питӗрте те, Мускавра та, Аçтăрханра та, Турцире те ларттарчӗç. Яковлев халалне тӗпе хурса çак ӗçре пирӗн, чăвашсен, çине тăмаллах»,- терӗ вăл.