Юлашки шăнкăрав

Раççей шкулӗсенче çак кунсенче чи савăнăçлă та кăшт салхуллă уяв - Юлашки шăнкăрав иртрӗ. Çӗршыври 11 класс пӗтерекен 700 пине яхăн, Тутарстанри 14 946 ачашăн вăл юлашки хут янăрарӗ. Шкул пӗтерекенсен умӗнче яваплă тапхăр - тунтикунран патшалăх пӗрлехи экзаменӗсем пуçланаççӗ. Çав кун географи, информатика тата ИКТ предмечӗсемпе экзамен тытӗç. Çамрăк ентешӗмӗрсене эпир те уяв ячӗпе саламласа экзаменсене ăнăçлă тытма, кирлӗ професси суйласа пурнăçра хăйсен вырăнне тупма ăнăçу сунатпăр!