2025 çулта уяв кунӗсене мӗнле канатпăр?
Раççей Ӗç тата социаллă хӳтлӗх министерстви обществăра сӳтсе явма РФ Правительствин 2025 çулта канмалли кунсене куçарасси пирки калакан Постановленийӗн проектне хатӗрленӗ.
Унпа килӗшӳллӗн 2025 çулхи январӗн 4-мӗшне (шăматкун) – майăн 2-мӗшне (эрнекун), январӗн 5-мӗшне – декабрӗн 31-мӗшне куçарма сӗннӗ. Çапла тусан 2024-2025 çулхи Çӗнӗ çул уявӗсем 11 куна тăсăлӗç. Май уйăхӗнчи уявсем вара 4-шар кун пулӗç. Июнь уйăхӗнче те Раççейре пурăнакансем 4 кун канма тивӗçлӗ.
Çавăн пекех февралӗн 23-мӗшне (вырсарникун) – майăн 8-мӗшне (кӗçнерникун), мартăн 8-мӗшне (шăматкун) – июнӗн 13-мӗшне (эрнекун) куçарма сӗннӗ.
Эппин 2025 çулта вăрах канмалли кунсем çапларах пулӗç:
2024 çулхи декабрӗн 29-мӗшӗнчен 2025 çулхи январӗн 8-мӗшӗччен (Çӗнӗ çул уявӗ);
Февралӗн 22-23-мӗшӗсем;
Мартăн 8-9-мӗшӗсем;
Майăн 1 – 4-мӗшӗсем;
Майăн 8 – 11-мӗшӗсем;
Июнӗн 12 – 15-мӗшӗсем;
Ноябрӗн 2 – 4-мӗшӗсем;
2025 çулхи декабрӗн 31-мӗшӗнчен 2026 çулхи январӗн 8-мӗшӗччен.
Следите за самым важным и интересным в Telegram-каналеТатмедиа
Нет комментариев