6-мӗшсем пуриншӗн те тӗслӗх

Çак проект хулари паллă пу­лăмсенчен пӗри пулса тăчӗ, вăл совет халăхӗн паттăрлăхне асра тытас ӗçре вӗренекенсемпе педагогсене пӗрлештерчӗ. 

Ку проект шайӗнче пирӗн 34-мӗш гимназире 6-мӗш клас­ра вӗренекенсем «Иртни çинчен манмастпăр» квест-вăййа хутшăнчӗç. Ачасем хăйсемшӗн нумай çӗннине пӗлчӗç. Тӗслӗхрен, Н.Ф.Каймановăн мӗнле наг­ра­дăсем пулнине, вăрçă вăхăтӗнче çырусене еплерех хуçлатнине... Вӗренекенсем квест задани­йӗсене пӗрле пурнăçларӗç. Пи­рӗн гимназистсем – Даша Антонова, Настя Гурьянова, Глеб Пименов тата Захар Тимофеев – хисеплӗ 3-мӗш вырăна тивӗçрӗç. 

6-мӗш класра вӗренекенсем гимназире, хулара иртекен ытти мероприятисене те хастар хутшăнаççӗ. Акă, тӗслӗхрен, ноябрӗн 8-мӗшӗнче гимназире тăван чӗлхепе иртнӗ диктанта хутшăнчӗç вӗсем. Ноябрӗн 24-мӗшӗнче районти театр пос­тановкисемпе мюзиклсен конкурсне хутшăнса «Кайăк хурсем» юмаха чăвашла кăтартрӗç, 2-мӗш вырăн йышăнчӗç.

Килсӗр чӗрчунсене пулăшма йӗркеленӗ «Çăмламас хӳресем» акцие те хапăл турӗç – ашшӗ-амăшӗсем пулăшнипе пӗчӗк туссем валли апат туянса пачӗç. 

Ятарлă çар операцине хутшăнакан салтаксем валли гуманитари пулăшăвӗ пухас ӗç­рен те ­айккинче юлмарӗç, хӳ­­тӗ­левçӗ­сене кирлӗ япаласем пух­рӗç, вӗ­сене тав туса çырусем çырчӗç. 

6-мӗшсем Учи.ру вӗрентӳ платформинчи олимпиадăна та кăсăкланса хутшăнаççӗ. Çӗннине пӗлме юратаççӗ маттурсем. Хастар пулни, пур çӗре те хутшăнни тавракурăма анлăлатать, тата лайăхрах вӗренме пулăшать.

Людмила Петровна ИЛЬГУЗИНА,

6-мӗш класс ертӳçи.

Анат Кама хулинчи 34№ гимнази-интернат. 

Автор сăнӳкерчӗкӗ.