Ачасен хоккей команди аварие лекнӗ

Кустăрми шăтнипе вăл çул айккинех чăмнă та тӳнсе кайнă. Кун çинчен «Татар-информ» ИА хыпарлать. Телее, вилнисем çук, чăн та, аманнă икӗ аслă çынпа пӗр ачана больницăна ăсатма тивнӗ, анчах вӗсен те пурнăçӗ хăрушлăхра мар. 

Автобусра пурӗ 29 çын пулнă, вӗсенчен 16-шӗ çамрăк хоккеист. Маларах социаллă сетьсенче вӗсем Хусан ачисем тесе пӗлтерчӗç пулсан та, апла мар. «Татар-информ» агентствăна облаçăн пропаганда уйрăмӗ пӗлтернӗ тăрăх, автобусра Пенза команди ларса пынă, вӗсем Хусанта иртнӗ ăмăрту хыççăн киле таврăннă.
(РФ ШӖМӗн Ульяновск облаçӗнчи управленийӗн сăнӳкерчӗкӗ).