Анализсене поликлиникӑра пама пулать

 Коронавирус пуррипе çуккине пӗлме анализсем Тутарстанри больницăсенче пама пулать. Кун пирки ТР сывлăх сыхлав министрӗн çумӗ – Хусан Ӗçтăвкомӗн сывлăх сыхлав управленийӗн пуçлăхӗ В.Жаворонков пӗлтернӗ. «Анализсене çăвартан е сăмсаран илетпӗр те Эпидемиологипе гигиена центрне ăсататпăр. Анализ пӗтӗмлетӗвӗсем пӗр талăк хушшинче паллă пулаççӗ», – пӗлтерет сывлăх сыхлав министрӗн çумӗ. Жаворонков сăмахӗсемпе, малтан анализсене Новосибирскра кăна илнӗ. Халӗ COVID-19 вирусран вырăнти поликлиникăсенче те тӗрӗсленме май пур.