Апрелӗн 18-мӗшӗ 80 çул каялла

 – Ир енне 1-мӗш Украина фрончӗн 3 тата 4-мӗш танк çарӗсем Берлин хули еннелле пăрăннă.

– 1-мӗш Белорусси фрончӗн çарӗсем Берлин çулӗ çинчи нимӗçсен чи вăйлă оборонин Зеелов çӳллӗшне илнӗ.

– Совет çарӗсем Пиллау (хальхи Калининград облаçӗнчи Балтийск) порчӗ енне хăваласа кайнă нимӗç çарӗсене аркатнă.

– 4-мӗш Украина фрончӗн çарӗсем Ратибор (Германи) хулин кăнтăр- хӗвеланăç енчи 30 ял-поселокне илнӗ.

– Чехословакире 2-мӗш Украина фрончӗн çарӗсем Иванчице хулипе 10 яла ирӗке кăларнă. 

– Австрире Хӗрлӗ çар Мистельбах хулине кӗрсе «Ульрих» чугун çул станцине тата 8 хулапа района илнӗ.

– Кун каçа пирӗннисем нимӗçсен 96 танкӗпе 115 самолетне персе аркатнă.