Ешӗлварта пулнă аварире ултă çамрăк вилнӗ, пӗр çамрăка больницăна леçнӗ. Кун пирки ТР ШӖМӗн пресс-служби пӗлтерет.
Chevrolet водителӗ ытла та пысăк хăвăртлăхпа пынипе машинине итлетерейменнипе çул хӗрринче ӳсекен йывăç çине пырса çапăннă. Хытă çапăннипе çăмăл машина çунма пуçланă. Салонра çак самантра çичӗ çын пулнă – вӗсем пурте 16-18 çулсенчи çамрăксем. Хăрушă инкеке пула водительпе пилӗк пассажир вырăнтах вилнӗ. Пӗртен-пӗр сывă юлнă пассажира Ешӗлварти тӗп район больницине илсе кайнă.
Раççей Следстви комитечӗ РФ Уголовнăй кодексӗн 264-мӗш статйипе «Нарушение правил дорожного движения») уголовлă ӗç пуçарнă.
Нет комментариев