– Ахванеç, эс салтакра пулнă-и?
Кăштах кулăш – ӗçре пулăш!
– Ахванеç, эс салтакра пулнă-и?
– Çук. Мана илмерӗç...
– Ма вара?
– Тупаймарӗç...
* * *
– Акă вула пулăсем çинчен çырнине. Вӗрен вӗсенчен чӗмсӗртерех пулма, – тет упăшки Яка Кулинене.
– Эсӗ малтан хăв пулăсем пек шыв кăна ӗçме вӗрен-ха, – маххă памасть Кулине.
* * *
Хӗлле. Шартлама сивӗ. Вăрман. Упа шăтăкӗ умӗнче мулкач тăрать.
– Упа, упа тетӗп! Мӗн пытантăн, тухмастăн?! Мӗн, манпа çапăçма тухма шикленетӗн-и?! Эп сана пӗр урапах тапса сирпӗтетӗп! – кăшкăрашать хайхискер.
Юнашар йывăç туратти çинче ларакан курак:
– Мулкач, эс мӗн кăшкăрашатăн? Упа çывăрать хӗлле...
– Пӗлетӗп çав...
* * *
Алăкран шаккаççӗ. Вӗçкӗн Ваççа уçать.
– Ӗнер кӳлӗре путакан арçын ачана эсир çăлнă-и?
– Çапла.
– Кепки ăçта?
* * *
– Эп çырмана ӳкес пулсан мӗн тунă пулăттăн? – тӗпчет Чипер Марине упăшкинчен.
– Пулăшу ыйтма кӳршӗ яла чупнă пулăттăм.
– Ара, кӳршӗ ял инçе вӗт-ха...
– Саншăн, чунăм, эп тата аяккарах чупма та хатӗр!
Александр Эшкинин сăнӳкерчӗкӗсем
Следите за самым важным и интересным в Telegram-каналеТатмедиа
Нет комментариев