Чăваш Ен Пуçлăхӗ çуралнă ачасене парнесем парӗ

Çакăн çинчен «Пуринчен малтан. Çывăрса юлмасан» телеграм-канал пӗлтерет. Регион ертӳçин телеграм-каналĕнче парне курупкинче мĕнле япаласем пулмаллине палăртас тĕллевпе ыйтăм та ирттернĕ. Сасăлава пĕтĕмлетнĕ. Çынсен суйлавĕ тăрăх, тин çуралнă пепкесен амăшĕсене çакнашкал парнесемпе савăнтарĕ Олег Николаев: чăваш тĕррипе эрешленĕ вырăн çиттипе, тĕрлесе илемлетнĕ ал шăллипе, салам çырăвĕпе тата «Чăваш Енре пурӑнакан халăхсен юмахĕсем» кĕнекепе. Парнесене ҫӗртме уйăхĕнче валеҫме пуҫлӗҫ. Вӗсене кӑҫал ҫуралнӑ кашни ача тивĕçӗ.