Çăвӗпе музейсене тӳлевсӗр кӗртӗç

Çуллахи каникул пуçланчӗ кăна, ведомствосенчен ырă хыпарсем киле те пуçларӗç. Паян ТР культура министрӗ Ирада Аюпова 1-11 классенче вӗренекен шкул ачисене Тутарстан Республикинчи патшалăх музейӗсене тӳлевсӗр кӗртесси çинчен прказ кăларнă. Пирӗн республикăри шкул ачисем, тен каникул вӗçленсен те тӳлевсӗрех çӳреме пултарӗç музейсене.

Çапах та, аваллăх управçине курма кӗнӗ чухне ыйтусем сиксе ан тухчӗр тесен, аслă классенче вӗренекенсене шкултан справка илме сӗнеççӗ. Мӗншӗн тесен 9 хыççăн шкултан профтехколледжа вӗренме кайнисене музее тӳлевсӗр кӗртме юрамасть.