Çиллӗ пулни хӗл хаяр пуласса

• Чӳк уйăхӗн 25-мӗшӗ – ­Иоанн. Çак кун юр çуса йывăçсем çине ларчӗ-тӗк – çӗр çинчи юр çуркуннеччен тек ирӗлмест. Ку кун мӗнле – раштав уйăхӗн пуçламăшӗ те çапла. Çерçисем хытă шавлани – ăшăтасса. 

• Чӳк уйăхӗн 26-мӗшӗ – ­Иоанн Златоуст, Юрий. Юр чарăна-чарăна çăвать – çанталăк пăсăласса. Каçхи тӳпере çăлтăрсем йăлкăшса çунаç­çӗ – юрлă тата çиллӗ çанталăк пуласса. 

• Чӳк уйăхӗн 27-мӗшӗ – Филипп. Çак кун пӗлӗтлӗ пулсан е юр çусан –  çу уйăхӗн вӗçӗнче çумăрлă пулать. Тӳпере «суя» хӗвел курăнни – сивӗтессе. Йывăçсене пас тытнă-тăк – çитес çул сӗлӗ ăнса пулать, çумăр çăвать-тӗк – тулă. 

• Чӳк уйăхӗн 28-мӗшӗ – Гурий. Хӗвел ирпе хӗрелсе тухсан – çил-тăмана. Çак кун çиллӗ пулсан раштав уйăхӗн варриччен çиллӗ пулать. Енчен те çерçисем тӗк-мамăк пуçтарса йăвисене ăшăтаççӗ – кӗçех сивӗтет. 

• Чӳк уйăхӗн 29-мӗшӗ – Парамон, Матвей. Пӗлӗтсем самай аялтан шăваççӗ-тӗк – сивӗтессе. Çак кун мӗн чухлӗ ăшăрах, хӗлле çавăн чухлӗ сивӗрех пулать. 

• Чӳк уйăхӗн 30-мӗшӗ – Анд­рей, Григорий. Ку кун хӗлле çанталăк мӗнле пуласса кăтартать. Кӗркунне ăшă та типӗ пулчӗ-тӗк – çуркунне çумăрлă пулать.