ÇӖНӖ 2024 ÇУЛА ÇӖНӖ КУРОРТРА

Мамадыш районӗнче 2023 çулхи декабрь вӗçлениччен ту çинчен йӗлтӗрпе ярăнакансен курортне туса пӗтереççӗ. ТР Туристсен агентствисен ассоциацийӗн президенчӗ ку обьект Тутарстанăн çак регионне туристсене илӗртекенни пулать тесе шутлать.

Мамадыш муниципаллă районӗн Ӗçтăвком ертӳçин пӗрремӗш çумӗ Айнур Аглямов пӗлтернӗ тăрăх, ту çинчен йӗлтӗрпе ярăнакансен курортне тума Раççей Федерацийӗ, Тутарстан Республики тата Мамадыш муниципаллă районӗ укçа уйăраççӗ. «Экстремаллă тата хӗллехи спорт тӗсӗсен паркӗ» ят пама шутлаççӗ пулас курорта. Ăна тума 150 миллион тенкӗ укçа каять, отель тума тата ытларах – 300 миллион тенкӗ. «Хăна çуртне тума хатӗр инвестора тупрăмăр», – кăмăллăн пӗлтернӗ чиновник.