«Çӗнтерӳ поезчӗ» çула тухать
Тăван çӗршывăн Аслă вăрçи вăхăтӗнчи пулăмсене виртуаллă майпа кăтартакан куçса çӳрекен интерактивлă музей апрелӗн 24-мӗшӗнче çулçӳреве тухать. Республикăра пурăнакансемпе хăнасем çар техникипе пурнăçӗн хăйне евӗрлӗ куравне чугун çул платформи çинчех курма пултараççӗ.
Горький чугун çулӗн Хусан регионӗн пресс-служби пӗлтернӗ тăрăх, маршрут Чулхуларан пуçланать, çавăнтах икӗ эрнерен вӗçленет, çак вăхăтра поезд 30 яхăн станцие çитет.
Легендарлă состав пирӗн республикăри çак хуласенче чарăнать:
- апрелӗн 27-мӗшӗ – Пӗкӗлмере (16:10 сехетрен пуçласа 17:40 сехетчен);
- апрелӗн 28-мӗшӗ – Çырчаллинче (8:10 сехетрен пуçласа 10:50 сехетчен) тата Элметре (16:35 сехетрен пуçласа 19:35 сехетчен) ;
- апрелӗн 29-мӗшӗ – Нурлатра (9:30 сехетрен пуçласа 10:30 сехетчен); çак кунах Хусана 18:45 сехете çитет;
- апрелӗн 30-мӗшӗнче – Арскра (8:40 сехетре) тата Агрыз-1 (18:15 сехетре) пулать.
«Çӗнтерӳ поезчӗ» çӗршыв тăрăх çулçӳреве пӗрремӗш çул кăна тухмасть. Сăмахран, пӗлтӗр интерактивлă музее Раççейӗпех 270 пине яхăн çын çитсе курнă. Кăçал та маршрут географийӗ анлă: Тутарстансăр пуçне поезд Пушкăртстан, Мордови, Самар, Пенза, Оренбург тата Ульяновск облаçӗсене çитсе курӗ.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев