Çӗнтерӳçӗсен йышӗнче пирӗн ентеш те пур
Чăваш Республикин Министрсен Кабинечӗн постановленийӗпе килӗшӳллӗн ачасемпе çамрăксем валли чăвашла çырнă алçырусен çулсеренех ирттерекен конкурсне пӗтӗмлетнӗ. Çӗнтерӳçӗсем паллă. Эппин паллашар-ха вӗсемпе.
«Шкула кайман тата кӗçӗн классенче вӗренекен ачасем валли çырнă чи лайăх хайлав» номинацире кăçал пирӗн ентеш, Çӗпрел районӗнчи Çӗнӗ Йӗлмелӗнче çуралса ӳснӗ пултаруллă çыравçă, Ульяновск хулинче пурăнакан Николай Ларионов хăйӗн «Акуш» алçырăвӗпе çӗнтернӗ. Автор 50 пин тенке тивӗçнӗ;
«Шкулта вӗренекен вăтам ӳсӗмри ачасем валли çырнă чи лайăх хайлав» номинацин çӗнтерӳçи вара Римма Прокопьева хăйӗн «Пӗчӗкки» алçырăвӗпе;
«Шкулта вӗренекен аслă ӳсӗмри ачасем валли çырнă чи лайăх хайлав» номинаци çӗнтерӳçи пулма Владимир Степанов «Ăннă та ăнман кун» кӗнеке алçырăвӗпе тивӗçнӗ. Ăна та, Римма Прокопьевăна та 75 пиншер тенкӗ парса хавхалантарӗç.
Çӗнтерӳçӗсен алçырăвӗсене 2025 çулта патшалăх заказӗпе кӗнекен пичетлесе кăлараççӗ.
Хамăр инф.
Архиври сăнӳкерчӗк.
Следите за самым важным и интересным в Telegram-каналеТатмедиа
Нет комментариев