News by tag - чувашские писатели

02 ноября 2026
Пур енчен те пуян кӗнеке

Нумай пулмасть Виталий Станьялăн «На пороге памяти» ятлă çӗнӗ кӗнеки пичетленсе тухнă. Автор ăна чăвашла «Астăвăм урати çинче» тесе куçарнă. Тем килӗшӳллех мар пек, эпӗ «Астăвăм ытамӗнче» тейӗттӗм. Хăй шучӗпе тата сахал тиражпа кăларнăран вăл мана тивӗçейӗ-ши тесе тăраттăм: манман иккен хăйӗн вӗренекенне, палланă çынсенчен, пӗрремӗш страницăра темиçе сăмах çырсах, мана валли пӗр экземплярне парса янă.
26 октября 2026
Çамрăк çыравçăсем валли «Родной язык – душа народа» конкурс ирттереççӗ

Тин çырма пуçланă çамрăк поэтсемпе çыравçăсен «Родной язык – душа народа» республика конкурсне хутшăнма пултараççӗ. Заявкăсене октябрӗн 26-мĕшĕнчен йышăнма пуçлаççӗ. Тутарстанра пурăнакан халăхсен – тутар, вырăс, чăваш, мари, мордва, удмурт тата ытти – чĕлхисемпе çырнă хайлавсене тăратма пултараççĕ унта авторсем.
25 октября 2026
«Хазара» роман – Анатолий Хмытăн пысăк ӗçӗ

Юпа уйӑхӗн 9-мӗшӗнче Чӑваш наци библиотекинче Анатолий Хмытӑн «Хазара» кӗнекин хӑтлавӗ иртрӗ. Роман виçӗ чӑваш каччин – Володя Михайловӑн, Игорь Гавриловӑн, Олег Прокопьевӑн – тата ытти совет салтакӗн Афган вӑрçинчи хастарлӑхӗпе паттӑрлӑхне çутатса парать. Кӗнекене хаклама тӗп сӑнарсен тӑванӗсем, воин-интернационалистсем, çыравçӑсем, А.В.Кочетов ячӗллӗ кадет корпусӗн курсанчӗсем, А.Хмыт пултарулӑхне кӑмӑллакансем пуçтарӑнчӗç.
07 октября 2026
Николай Теветкелӗн чӗри тапма чарăннă

Çак хурлăхлă хыпара «Хыпар» хаçат МАХри хăйӗн «Пуринчен малтан» каналӗнче çырса пӗлтернӗ. Николай Александрович Теветкел (Петровский) пултаруллă сăвăç, ăста ӳнерçӗ тата куçаруçă пек кӗрсе юлать чăваш халăх историне. Чăваш культурин аталанăвне пысăк тӳпе кӗртнӗшӗн ăна Чăваш Республикин искусствăсен тава тивӗçлӗ деятелӗ ят парса чысланă. Теветкелӗн сăввисем тарăн шухăшлă, вӗсенче вăл чунне вулаканшăн яри уçать. Кашни ун творчествинче хăйшӗн çывăххине, пăлханнă чунне лăплантарма чи кирлӗ сăмахсем тупать.
30 сентября 2026
Юратнă мăшăрне халалласа: Иван Павловăн çӗнӗ кӗнеки тухрӗ!

Нумаях пулмасть Нурлат районӗнчи Мамăк ялӗнче пурăнакан Иван Павлович Павловăн (Актайăн) Шупашкарти «Новое время» типографире çӗнӗ кӗнеки пичетленсе тухрӗ. Кӗнекене вырăсла тата чăвашла çырнă сăвăсемпе калавсем кӗнӗ. Ăна юратнă мăшăрӗ Зинаида Ивановна Павлова (Родионова) 80 çул тултарнине халалланă.
18 сентября 2026
Суварçăсемпе паллашнă хыççăн чăвашла çырма тытăннă

Тунтикун пире, «Сувар» хаçат редакцийӗн ӗçченӗсене, интереслӗ тӗлпулусемпе савăнтарчӗ. Хăнасенчен пӗри хисеплӗ педагогика ветеранӗ, таврапӗлӳçӗ-çыравçă Аркадий Аркадьевич Михайлов-Юмарт пулчӗ. Самай сумлă виçӗ кӗнеке кăларнă автора ТР ЧНКА çумӗнчи Чăваш çыравçисен союзӗн йышне кăçал июлӗн 27-мӗшӗнче илчӗç. Удостоверение вара Союзăн ертӳçи, «Сувар» хаçатăн тӗп редакторӗ Ирина Трифонова шăпах çак кун редакцире савăнăçлă лару-тăрура пачӗ.
15 августа 2026
Василий Кервен вырăсларан куçарнă сăвăсем чăвашла та оригиналти пекех янăраççӗ

2024 çулта Чăваш кӗнеке издательствинче Александр Пушкинăн суйласа илнӗ сăввисен пуххи — «Я помню чудное мгновенье... Асрах асамӗ çав самантăн...» — кун çути курнăччӗ. Аслă вырăс поэчӗн хайлавӗсене Раççей Писательсен союзӗн пайташӗ, Чăваш Республикин культурăн тава тивӗçлӗ ӗçченӗ, М.Д.Трубина ячӗллӗ литература премийӗн лауреачӗ Василий Кервен чăвашла куçарнăччӗ. Асăннă кăларăма вулакансем хапăлласа йышăнчӗç, тираж хăвăрт саланса пӗтрӗ. Куçаруçă вара Раççей Писательсен союзӗн Пушкин Ылтăн медальне тивӗçрӗ.
11 августа 2026
Çамрăк авторсене конкурса хутшăнма чӗнеççӗ

Чăваш кӗнеке издательстви çамрăк авторсене палăртмалли «Кӗмӗл калем. Серебряное перо» конкурса заявка йышăнас вăхăта ноябрь уйăхӗччен тăснă.
02 августа 2026
Лариса Петрова: «Поэзи – чун киленӗçӗ, журналистика вара – ӗç»

Нумаях пулмасть Алтай Республикипе Алтай крайӗ «Чӗлхе арт-резиденцийӗ. Сăмах кӗвви» Пӗтӗм Раççейри социаллă пӗлтерӗшлӗ проекта хутшăнакансене пуçтарчӗç. Тӗрлӗ халăх чӗлхипе сăвă-калав тата юрă çыракансем вунă кун тӗрлӗ ăсталăх урокне, кăвайтпа камин умӗнчи пултарулăх лабораторийӗсене хутшăнчӗç, тăван чӗлхесене упраса хăварассипе аталантарасси, литература хайлавӗсене интернет хутлăхӗнче сарасси пирки калаçрӗç, хăйсен произведенийӗсем тăрăх виçӗ концерт лартрӗç, видеоклипсем ӳкерчӗç, Алтай халăхӗсен культурипе паллашрӗç.
08 июля 2026
Пурăннă пулсан Николай Сорокин 85 çул тултармаллаччӗ...

2021 çул, июлӗн 5-мӗшӗ... Юбилейччен тепӗр 3 кун юлнă. Çак паллă кунччен эпир Николай Михайловичпа пӗрре мар тӗл пулса калаçрăмăр. Юбилей уявне ирттерессине сӳтсе яватпăр-çке. Яваплăхӗ пысăк. Николай Михайлович мӗнпур тăванӗсене, юлташӗсене, ӗлӗк пӗрле ӗçленисене пуçтарасшăн. 80 çул сахал мар вӗт. Яваплă ӗçре ӗçленӗскерӗн пӗлӗшӗсемпе юлташӗсем пит нумай. Тивӗçлӗ канăва тухсан литература ӗçне пуçӗпе путнăскер çыравçăсене те чӗнесшӗн.
26 мая 2026
Канаш тăрăхӗнчи Пайкилтре Константин Ивановăн çуралнă кунне халалланă уяв иртрӗ

Литература ӑсчахӗсем тӗпчесе пӗлнӗ тӑрӑх, чылай çул каялла хальхи Канаш округӗнчи Пайкилт ялӗнче паллӑ чӑваш поэчӗсен – Константин Ивановпа Ухсай Яккӑвӗн ‒ мӑн-мӑн аслашшӗ Энтӗрук Ваçукӗ (тӗне кӗрсен ‒ Антон Андреевич Данилов, 1730 ‒ 1785) çуралса ӳснӗ. 1762 çулта Симушка Вариххипе (тӗне кӗрсен ‒ Марина Тихонова) тата ачисемпе хальхи Пушкӑртстан Республикинчи Пелепей районӗнчи Слакпуçне куçса кайнӑ. Çакна В.П.Ивановпа М.Х.Сафин «Истоки. Родина и род поэтов К.В.Иванова и Я.Г.Ухсая» (2018) кӗнекинче тӗплӗ çырса кӑтартнӑ.
22 мая 2026
Шелепи пирӗн чӗрере

Н.И.Полоруссов-Шелепин 145 çуллăхне аксусем шăпах ун палăкӗ умне пуçтарăнчӗç те, унта митинг пулчӗ. Унта Аксу муниципаллă район пуçлăхӗ Алмаз Мингулов, район Ӗçтăвкомӗн ертӳçин социаллă ыйтусем енӗпе çумӗ Алексей Тимирясов, вырăнти Чăваш наципе культура центрӗн председателӗ Роза Чентаева, поэтăн кӗçӗн мăнукӗсемпе тăванӗсем, шкул ачисем тата суварçăсем – хаçатăн тӗп редакторӗ Ирина Трифонова, социаллă сетьсен редакторӗ Ксения Романова, «Аталан» чăваш çамрăкӗсен пӗрлешӗвӗн председателӗн çумӗ Руслан Хураськин хутшăнчӗç.
16 мая 2026
Николай Полоруссов-Шелепи çырнисем паян кун та пӗлтерӗшлӗ

Чăваш Республикин Хальхи историйӗн патшалăх архивӗн М.И.Юрьев (Нямань) çемье фондӗнче Николай Иванович Полоруссов-Шелепи пирки, унăн пултарулăхӗ çинчен çырнă документсем упранаççӗ. Вӗсен хушшинче М.Юрьевăн «Коммунизм ялавӗ» (14.05.1971) хаçатра пичетленнӗ «Унăн ячӗпе халăх мухтанать» (Н.Шелепи çуралнăранпа 90 çул) материалӗ пур.
16 мая 2026
Шелепи – çӗнӗ саманан янкăс юрăçи…

Çу уйăхӗн 14-мӗшӗнче паллă поэтăмăр, прозаик тата куçаруçă, пӗрремӗш чăваш халăх поэчӗ, «Хисеп Палли» орден кавалерӗ Николай Иванович Полоруссов-Шелепи çуралнăранпа 145 çул çитрӗ.
14 мая 2026
Николай Полоруссов-Шелепи ҫуралнӑранпа 145 ҫул

Пӳлер тăрăхӗнчи халăх сăмахлăхне асра тытса, упраса, унăн никӗсӗ çинче сăвă-хайлав çырса чăваш литературинче паллă йӗр хăварнă Пӳлер çӗрӗн-шывӗн мухтавлă ывăлӗ, Чăваш халăх поэчӗ ятне тивӗçнӗ пӗрремӗш поэт Николай Иванович Полоруссов-Шелепи çуралнăранпа паян, çу уйăхӗн 14-мӗшӗнче, 145 çул çитрӗ.