Çӳп-çап трпейлекенсенсем йышланаççӗ

Çӳп-çапа тирпейлесси, экологи ыйтăвӗсем çулран çул çивӗчленеççӗ, уйрăм регионра та, çӗршывра та, тӗнчере теçапла, кӳршӗсем мӗнле татса параççӗ вӗсене?

 Чăваш Республикинчи Канаш округӗнчи Атнаш ялӗ çывăхӗнче Çӳп-çап тирпейлекен комплекс тума тытăннă. Ăна 2025 çултхи июнь уйăхӗнче хута ярасшăн. Хальлӗхе строительсем çӗр ӗçӗсем пурнăçлаççӗ. 

Çӗнӗ комплкс 30 пин тонна хытă коммуналлă çӳп-çап (ТКО) йышăнӗ. Малтанлăха шутласа палăртнă схемăпа комплекса Канаш (çулталăкра 17 270 тонна), Тăвай (çулталăкра 2 760 тонна), Вăрмар (çулталăкра 4 800 тонна) округӗсенчен çӳп-çап йышăнӗ. Предприятисенчен, уйрăм усламçăсенчен çулталăкра 5 170 тоннăран ытла йышăнмӗç. 

Чăваш Республикинче «Экосфера — Ч» компанипе концессионлă килӗшӳпе çӳп-çап тирпейлекен 3 комплекс тăваççӗ. Пӗтӗмӗшле тăкаксен сумми 1,18 миллиард тенкӗ. Раççей экологи операторӗ пӗтӗм тăкакăн 95 процентне саплаштарма хатӗр.
автор сăнӳкерчӗкӗ.

Автор сăнӳкерчӗкӗ.