Çӗпӗрти чăвашсем патне хăнана

Этномаршрут Иркутск, Ангарск, Свирск хулисемпе Заларински районӗ урлă иртет. Эскурсие хутшăнакансене Çӗпӗрте пурăнакан бурятсем, чăвашсем, нимӗçсем (голендрсем) çинчен тӗплӗн каласа параççӗ.

«В гости к чувашам» сукмак маршрутпа çулçӳревçӗсен регионри чăвашсем патне те çитсе курма май пулнине Иркутск тăрăхӗнчи «Юлташ» ЧНКА пӗлтерет. Шăпах Заларински районӗнче вырнаçнă Танга ятлă ялта туристсене ял хутлăхӗн историйӗпе, чӑваш халăхӗн йӑли-йӗркипе, наци кухнипе паллаштараççӗ. Хăнасен чӑваш юррисене итлеме те, купӑс кӗввипе ташлама та май пулать.

«Вконтактери» «Чуваши-Иркутской Области» страницăран илнӗ сăнӳкерчӗксем.