Çу уйăхӗ мӗнле пуласса кăтартакан кун

• Раштавăн 31-мӗшӗ – Модест. Çак кун çине пăхса çӗртме уйăхӗ епле пулассине пӗлме пулать. Çулталăкăн юлашки кунӗ уяр та типӗ пулсан хӗлле ăшă пулать, çуркунне ир килет. 

• Кăрлачăн 1-мӗшӗ – Вонифатий. Çӗнӗ çул чăрăшӗ килте мӗн чухлӗ ытларах тăрать, çавăн чухлӗ çӗнӗ çул пуянрах пулать. Кун çиллӗ – кăçал мăйăр ăнса пулать. 

• Кăрлачăн 2-мӗшӗ – Иоанн тата Игнатий. Тӳпере çăлтăр нумай-тăк – тырпул ăнса пулать. Çак кун мӗнле – çурла уйăхӗ те çапла пулать. Кăсăясем хытă шавлаççӗ – сивӗтессе тата хӗл вăрăма тăсăласса. 

• Кăрлачăн 3-мӗшӗ – Петр. Авăн уйăхӗнче çанталăк мӗнле пуласса кăтартакан кун. Юр нумай – тухăçлă çул пулать. Шартлама сивӗ те çил-тăманлă – çулла шăрăх пулать. Çак кун çуралнисем лайăх хуçа пулаççӗ. 

• Кăрлачăн 4-мӗшӗ – Настасья. Пӗлӗтсем çиле хирӗçле шăваççӗ – юр çăвасса. Юпа уйăхӗ мӗнле пулассине кăтартакан кун. 

• Кăрлачăн 5-мӗшӗ – Федул. Юр çăвать, тăман тустарать – утă уйăхӗ çумăрлă пулать. Çак кун кивçене тавăрса памаççӗ, çӗннисем хушăнма пултараççӗ.