Тутарстан Республикинчи ачасен прависемпе ӗçлекен уполномоченнăйӗ çуллахи сывлăха çирӗплетмелли кампани умӗн «Лето с Уполномоченным» çӗнӗ проект пуçланни пирки пӗлтернӗ. Пуçарăвăн тӗллевӗ – республикăра ача-пăча канăвӗн хăрушсăрлăхне тата пуянлăхне тивӗçтересси.
Проект шайӗнче МАКС мессенджерта ятарлă хӗрӳ лини тата çыхăну каналӗ хута каять. Çак сервиссем çуллахи кашни уйăхăн пӗрремӗш эрнинче ӗçлӗç: июнӗн 1-мӗшӗнчен пуçласа 5-мӗшӗччен, июлӗн 1-мӗшӗнчен пуçласа 7-мӗшӗччен тата августăн 3-мӗшӗнчен пуçласа 7-мӗшӗччен. Республикăра пурăнакансем ачалăха хӳтӗлес тата çуллахи канăва йӗркелес ӗçри йывăрлăхсем çинчен пӗлтерме тата консультаци илме 8 (843) 236-61-64 телефонпа е МАКС мессенджерта 8-987-405-96-13 номерпе пултарӗç.
«Пирӗн республика çу кашни ачашăн çӗнӗ майсен вăхăчӗ пултăр тесе мӗн кирлине пурне те тăвать», – палăртнă ТР ача прависен уполномоченнăйӗ Светлана Захарова.
Нет комментариев