Çырчаллинче Акимовăн куравӗ уçăлчӗ

Çырчаллинчи картина галерейинче чăваш ӳнерçин, РФ тава тивӗçлӗ художникӗн, ТР халăх художникӗн Владимир Акимовăн «Миф как реальность» куравӗ уçăлнă. Экспозицире ӳнерçӗн 100 ытла картинине кăтартнă. Вӗсен хушшинче хӗрарăм портречӗсем, ял пейзажӗсем. Уйрăм вырăнта чӗрчунсем, вӗсенче çын характерне, кăмăлне куратăн. Владимир Акимов темиçе хутчен те Европăри халăхсен хушшинчи куравсене хутшăннă. Картинисем Тутарстанпа Чăваш Енӗн музей фончӗсенче, харпăр галерейăсенче упранаççӗ. (Сăнӳкерчӗесем В. Акимовăн «Одноклассники» страницинчен).