Ирина Волынец Тутарстанра çул çитмен ачасем хăйсене хăйсем вӗлернин сăлтавӗсем çинчен пӗлтернӗ

Ун сăмахӗсемпе, çемьери хирӗçӳсем, ăнланманлăх, пӗчченлӗх туйăмӗ, айккинчен пăхсан йӗркеллех курăнакан çемьесенчи ачасем хăйсене пăрахнă пек туйни – суицид сăлтавӗсем пулса тăраççӗ. «2021 çулхи вунпӗр инкеклӗ пулăмпа танлаштарсан, пӗлтӗр 22 ача хăй ирӗкӗпе пурнăçран уйрăлнă. Хăйсене хăйсем вӗлерекен ачасен çулӗ пӗчӗкленсе пыни те хăратать. Вӗсен хушшинче 2009 çулта çуралнисем те пур. Шутласа пăхăр-ха, ку 13 çулти ачасем», – тенӗ спикер.
Ачасен омбудсменӗ палăртнă тăрăх, виçӗ çул каялла çеç тулли мар, е начар пурăнакан çемьесенчи ачасем кăна хăйсем çине алă хума пултарнă пулсан, халӗ пăхма лайăх пурăнакан çемьесенчи ачасем те пуçӗсене пăяв ăшне чикеççӗ.