Ҫитес ҫулта Тутарстанра ҫул-йӗр строительстви ҫине 7 миллиард тенкӗ уйӑрма йышӑннӑ

Ку ҫулта ҫул-йӗр строительстви ҫине "Инфраструктура для жизни" ҫӗнӗ нацпроектпа килӗшӳллӗн 7 миллиард тенкӗ уйӑрма палӑртнӑ. Кун пирки ТР транспортпа ҫул-йӗр хуҫалӑхӗн пресс-служби пӗлтерет.

Республикӑра ҫул-йӗр строительствин мероприятийӗсене ирттерсе Раҫҫейӗн тӗрев сетьне кӗрекен агломерацисен 85 процента яхӑн автомобиль ҫулӗсене кирлӗ шайра тытса тӑма кирлӗ. 
 
2030 ҫул тӗлне регионри ҫулсен 60 процентне кирлӗ шая ҫитермелле. 2025 ҫулта вара ҫак шайран 52,2 процентне тирпее кӗртмелле. 

Унсӑр пуҫне наци проекчӗпе интеллектуаллӑ транспорт системине аталантарассипе те мероприятисем ирттерме пӑхса хунӑ. Ҫавсенчен пӗри 2025 ҫулта сфетофорсен ӗҫне адаптивлӑ управлени системипе ҫӗнетесси. Вӑл транспорт юхӑмне тӗрӗслевпе тивӗҫтерсе ӑна йӗркелеме пулӑшӗ. Малтанласа ҫак системӑсем Хусанта тата Ҫырчаллинче ӗҫе кӗрӗҫ. 
Ку ӗҫсене пурнӑҫлама 97 миллион тенкӗ уйӑрма йышӑннӑ.  

"Инфраструктура для жизни" ҫӗнӗ нацпроекта РФ Президенчӗн Владимир Путинӑн хушӑвӗпе 2030 ҫулччен йышӑннӑ. 

Ун шутне «Региональная и местная дорожная сеть», «Общесистемные меры развития дорожного хозяйства» тата «Безопасность дорожного движения федераллӑ проектсем кӗнӗ.