Кăçал Тутарстанра 100 почта уйрăмне çӗнетесшӗн

«Пӗчӗк ялсенче почта уйрăмӗсем  час-часах пулăшу илме, посылкăсем яма тата чи кирлӗ таварсем туянма май паракан пӗртен-пӗр вырăн. Почта яла хулапа тата тулаш тӗнчепе çыхăну тытма пулăшать. Сăмах çыру ярассипе-илесси тата цифра сервисӗсемпе усă курасси çинчен кăна мар, уйрăмах ватă çынсем тата час-часах тухса çӳрейменнисем кирлӗ пулăшусене çăмăллăнах илме пултарасси çинчен», –  палăртнă министр.

2022 çултан пуçласа 2025 çулччен федераци программи шайӗнче республикăра ялти 88 почта уйрăмне модернизацилеме  449,3 миллион тенкӗ уйăрнă. 2025 çулта юсав ӗçӗсене 30 уйрăмра ирттернӗ: вӗсенчен çуррине Тутарстан бюджетӗнчен, тепӗр 15-шне  федераци бюджетӗнчен килнӗ укçа-тенкӗпе юсанă. 2024 çулта республикăра 26 почта уйрăмне çӗнетнӗ.

Хальхи вăхăтра Тутарстанра 1112 почта уйрăмӗ ӗçлет, вӗсенчен 852-ӗ ялсенче. Вӗсене çӗнетесси регионăн социаллă инфраструктурине аталантарас ӗçре тӗп тӗллев пулса тăрать.

ТР Çыхăну, информаци технологисен, цифра аталанăвӗн министерствин пресс-службин сăнӳкерчӗкӗ.